بھٹکل (فکروخبر نیوز) بھٹکل سے تعلق رکھنے والے ہونہار نوجوان ممد نور ابن محمد یحییٰ جوباپو نے بیچلر آف ڈینٹل سرجری (BDS) کی ڈگری کامیابی کے ساتھ مکمل کرکے دندان سازی کے شعبے میں ایک اہم تعلیمی کامیابی حاصل کی ہے۔
محمد نور نے اپنی ابتدائی تعلیم کے جی سے دسویں جماعت تک بھٹکل کے معروف تعلیمی ادارے نونہال سینٹرل اسکول میں حاصل کی۔ اس کے بعد انہوں نے منگلورو کے ینیپویا کالج سے پی یو سی کی تعلیم مکمل کی اور اعلیٰ تعلیم کے لیے بنگلورو کا رخ کیا، جہاں ایم آر امبیڈکر ڈینٹل کالج سے بی ڈی ایس کی ڈگری حاصل کرنے میں کامیابی حاصل کی۔
موصوف کو تعلیمی میدان میں آگے بڑھنے کے ساتھ سماجی اور فلاحی سرگرمیوں سے بھی خصوصی دلچسپی ہے۔ وہ اپنی پیشہ ورانہ صلاحیتوں کو معاشرے کی خدمت اور ضرورت مند افراد کی مدد کے لیے استعمال کرنے کا جذبہ رکھتے ہیں۔
ڈاکٹر ممد نور مستقبل میں اپنی تعلیم کا سلسلہ مزید آگے بڑھانے کے خواہش مند ہیں اور ایم ڈی ایس کی تعلیم حاصل کرنے کا بھی ارادہ رکھتے ہیں۔
ادارہ فکروخبر محمد نور ابن محمد یحییٰ جوباپو کو بی ڈی ایس کی ڈگری مکمل کرنے پر دلی مبارکباد پیش کرتا ہے اور دعاگو ہے کہ اللہ تعالیٰ انہیں علم و عمل کے میدان میں مزید کامیابیوں سے نوازے اور ان کی صلاحیتوں کو انسانیت کی خدمت کا ذریعہ بنائے۔




