رافیل جنگی طیارہ اب ہندوستان میں تیار ہوگا!

فرانسیسی کمپنی ڈسالٹ ایوی ایشن نے ہندوستان کے معروف صنعتی ادارے ٹاٹا گروپ کے ساتھ ایک اہم دفاعی معاہدہ کیا ہے۔ اس معاہدے کے تحت رافیل فائٹر جیٹ کا بنیادی ڈھانچہ یعنی فیوزلیج اب ہندوستان میں تیار کیا جائے گا۔
چار پروڈکشن ٹرانسفر معاہدے طے
ڈسالٹ ایوی ایشن اور ٹاٹا ایڈوانسڈ سسٹمز لمیٹڈ (TASL) نے 4 الگ الگ پروڈکشن معاہدوں پر دستخط کیے ہیں۔ ان معاہدوں کا مقصد ہندوستان کی ایئرو اسپیس مینوفیکچرنگ کی صلاحیتوں کو عالمی معیار پر لے جانا اور عالمی سپلائی چین میں ملک کا کردار بڑھانا ہے۔
2028 تک پہلا رافیل فیوزلیج تیار ہونے کی امید
پلانٹ مکمل ہونے کے بعد ہر مہینے دو مکمل فیوزلیج تیار کیے جائیں گے۔ یہ حصہ فائٹر جیٹ کے مرکزی اسٹرکچر کا حصہ ہوتا ہے جو پائلٹ کاک پٹ، انجن، ہتھیاروں اور دیگر سسٹمز کو جوڑتا ہے۔
رافیل کا فیوزلیج: ٹیکنالوجی کا شاہکار
یہ ہلکے وزن والے اور مضبوط مرکب مادوں جیسے کاربن فائبر اور کیولر سے بنایا جائے گا، جس سے طیارے کی رفتار، رڈار سے بچاؤ اور ایروڈائنامکس میں بہتری آئے گی۔
فرانس سے باہر پہلی بار رافیل تیار ہوگا
ڈسالٹ ایوی ایشن کے چیئرمین نے کہا کہ:
"یہ پہلا موقع ہے کہ رافیل کا فیوزلیج فرانس کے باہر تیار ہوگا، اور یہ ہندوستان میں دفاعی صنعت کے لیے ایک فیصلہ کن قدم ہے۔”
ٹاٹا سسٹمز کے سی ای او سوکرن سنگھ کا بیان
"رافیل فیوزلیج کی تیاری ہندوستان کے ایرو اسپیس سیکٹر میں ہمارے مقام اور ڈسالٹ ایوی ایشن کے اعتماد کی علامت ہے۔”