سی پی آئی (ایم) کے جنرل سیکریٹری اور راجیہ سبھا کے سابق رکن پارلیمان سیتارام یچوری ۷۲؍ سال کی عمر میں انتقال کرگئے ہیں۔ خیال رہے کہ وہ کافی عرصے سے علیل تھے۔ انہیں علاج کیلئے دہلی کے اے آئی آئی ایم ایس اسپتال منتقل کیا گیا تھا۔ انہیں وینٹی لیٹر پر رکھا گیا تھا جبکہ متعدد ڈاکٹر ان کی نگرانی کر رہے تھے۔ سیتارام یچوری ۲۰۱۵ء میں سی پی آئی (ایم) کے جنرل سیکریٹری منتخب ہوئے تھے۔ ان کا سیاسی کریئر کئی دہائیوں پر مبنی ہے۔
انہیں وینٹی لیٹر پر رکھا گیا تھا جبکہ متعدد ڈاکٹر ان کی نگرانی کر رہے تھے۔ سیتارام یچوری ۲۰۱۵ء میں سی پی آئی (ایم) کے جنرل سیکریٹری منتخب ہوئے تھے۔ ان کا سیاسی کریئر کئی دہائیوں پر مبنی ہے۔ سیتارام یچوری ۱۹۷۴ء میں اسٹوڈینٹ فیڈریشن آف انڈیا (ایس ایف آئی) میں شامل ہوئے تھے اور اگلےسال ہی پارٹی کے رکن بن گئے تھے۔ اس کے کچھ ماہ بعد انہیں ایمرجنسی کے دوران حراست میں لے لیا گیا تھا۔
کانگریس کے سینئر لیڈر راہل گاندھی نے ان کی موت پر اظہار افسوس کرتے ہوئے لکھا ہے کہ ’’سیتارام یچوری جی میرے دوست تھے۔ ہندوستان کے خیال کے محافظ، جنہیں ہندوستان کی گہرائی سے سمجھ تھی۔ میں ان کے ساتھ ہونے والی گفتگو یاد کروں گا۔ ان کے اہل خانہ، دوستوں اور ساتھیوں سے میرا اظہار تعزیت ہے۔‘‘
