گنگولی : ایس ایس سی گنگولی کی جانب سے دو روزہ عظیم الشان پروگرام کا انعقاد جامعہ محلہ گنگولی میں منعقد کیا گیا جس میں بنگلور سمیت مختلف شخصیات نے بھی شرکت کی۔ پہلے دن مدارس کے طلبہ کے درمیان ریاستِ کرناٹک کے سطح کا نعتیہ مسابقہ منعقد کیا گیا تو دوسرے روز کوٹا سے بیندور تک کے شبینہ مکاتب کے طلبہ کے درمیان دلچسپ مکالموں کا مظاہرہ پیش ہوا۔ پروگرام کے مہمانِ خصوصی کے طور استادِ حدیث دار العلوم سبیل الرشاد بنگلور مولانا افتخار احمد محسن صاحب نے شرکت کی۔ ان کے ساتھ ساتھ دیگر شخصیات میں استادِ حدیث جامعہ ضیاءالعلوم کنڈلور مولانا محمد الیاس ندوی ، مجلس علماءِ گنگولی کے صدر جناب عبدالمتین صاحب صدیقی ، مولانا ابراہیم صاحب گوا ، جناب الطاف صاحب بنگلوری ، جناب بشیر صاحب کوٹا ، محترم بی ایس ایف رفیق صاحب ، جناب حنیف صاحب وغیرہ قابلِ ذکرہیں۔
پہلے دن ریاستی سطح کا نعتیہ مسابقہ منعقد کیا گیا جس میں جملہ بائیس مساہمین تھے جن میں اول مقام عبدالہادی ابن عرفان ندوی (جامعہ اسلامیہ بھٹکل) دوم مقام محمد ماہر ابن مشتاق احمد (مدرسہ عربیہ شاہد العلوم ہبلی) اور سوم مقام عبدالرقیب ابن باواامیر(جامعہ محمدیہ بیندور) نے حاصل کیا۔ ان کے علاوہ ممتاز سات مساہمین کو بھی انعامات سے نوازا گیا اور دیگر مساہمین کے درمیان بھی انعامات تقسیم کیے گیے۔
دوسرے روز کوٹا سے بیندور کے شبینہ مکاتب کے طلبہ کے درمیان دلچسپ مکالمے پیش کیے گیے۔ مختلف عناوین کے تحت پیش کیے مکالمات کے ذریعہ حاضرین کو اصلاحِ معاشرہ ، تعلیم کی اہمیت ، موجودہ دور میں دینی تعلیم کی ضرورت و اہمیت وغیرہ پر زور دیا گیا جسے حاضرین کو بہت پسند کیا۔
مہمانِ خصوصی شیخ الحدیث دار العلوم سبیل الرشاد بنگلور مولانا افختار احمد محسن صاحب نے پروگرام کی کامیابی پر منتظمین کو مبارکباد پیش کی اور موقع کی مناسبت سے بڑی مفید باتیں پیش کیں۔
یہ دو روزہ پروگرام فکروخبر پر لائیو ٹیلی کاسٹ کیا گیا تھا جسے آپ یہاں بھی دیکھ سکتے ہیں۔
