سعودی عرب کا 2034 فیفا ورلڈ کپ: ماحولیاتی پائیداری کا نیا معیار قائم کرنے کی کوشش

(فکروخبر/ذرائع)سعودی عرب نے 2034 فیفا ورلڈ کپ کی میزبانی کے لیے اپنی بولی میں ماحولیاتی پائیداری کو ایک اہم ترجیح قرار دیا ہے، جس کا مقصد عالمی سطح پر سبز اور پائیدار ترقی کا ایک نیا معیار قائم کرنا ہے۔ ریاض میں منعقد ہونے والے اس ایونٹ کے دوران توانائی کی کارکردگی میں اضافہ، قابل تجدید توانائی کا استعمال، اور فضلہ کے انتظام کے جدید طریقوں کے ذریعے ماحولیاتی اثرات کو کم کرنے کی بھرپور کوشش کی جائے گی۔
ماہرین کا کہنا ہے کہ سعودی عرب کی اس کاوش سے نہ صرف اس عالمی ٹورنامنٹ کا کاربن فٹ پرنٹ کم ہوگا بلکہ "گرین سعودی عرب” جیسے منصوبوں کے ذریعے ایک پائیدار ماحولیاتی وراثت بھی قائم کی جائے گی، جو عالمی سطح پر ماحولیاتی چیلنجز سے نمٹنے میں مددگار ثابت ہوگی۔