منگلورو: وزیر اعلیٰ سدارامیا نے اتوار کے روز نفرت انگیز تقاریر کی روک تھام بل کے سلسلہ میں کہا کہ گورنر نے قیاس آرائیوں کے برعکس، قانون سازی کو نہ تو مسترد کیا ہے اور نہ ہی اسے واپس کیا ہے۔
منگلورو میں میڈیا کے نمائندوں سے بات کرتے ہوئے چیف منسٹر نے کہا کہ بل کو مقننہ نے متفقہ طور پر منظور کیا تھا اور یہ گورنر کے پاس زیر التوا ہے، جنہوں نے اسے مسترد کیا ہے اور نہ اسے لوٹایا ہے۔ سدارامیا نے کہا کہ جب گورنر اس کا مطالبہ کریں گے، ہم انہیں بل کی تفصیل سے وضاحت کریں گے۔
بلاری بینر ہٹانے کے تنازعہ پر بات کرتے ہوئے سدارامیا نے یاد کیا کہ بلاری میں غیر قانونی کان کنی پر قانون ساز اسمبلی میں بحث کے دوران ریڈی برادران اور سابق چیف انسٹر بی ایس یورپا نے انہیں چیلنج کیا تھا کہ اگر ان میں ہمت ہے تو بلاری کا دورہ کریں۔ “یہ اس چیلنج کے جواب میں تھا کہ پدایاترا نکالی گئی تھی۔
چیف منسٹر نے بلاری میں مہارشی والمیکی مجسمہ کے افتتاح کے لیے لگائے گئے بینر کو ہٹانے کی ضرورت پر بھی سوال اٹھایا، یہ کہتے ہوئے کہ اسے ہٹانے سے یہ واقعہ ہوا ہے۔ انہوں نے الزام لگایا کہ جی جناردھن ریڈی اور بی سری رامولو اپنے عہدوں سے محروم ہونے کے بعد حسد کرنے لگے ہیں۔