بنگلورو(فکروخبرنیوز) کرناٹک حکومت نے ریاست میں کئی افسران کے تبادلوں کا اعلان کیا ہے، جس کے تحت جنوبی کنڑ (منگلورو)، اُڈپی سمیت کئی اضلاع میں ڈپٹی کمشنرز تبدیل کیے گئے ہیں۔ اس اقدام کا مقصد انتظامی نظام کو مزید مؤثر اور متحرک بنانا بتایا جا رہا ہے۔
منگلورو کو درشن ایچ وی کی شکل میں نیا ڈی سی
درشن ایچ وی، آئی اے ایس، جو اس سے پہلے بنگلورو میں ایڈیشنل کمشنر برائے کمرشل ٹیکسز (سروس اینالیسس ونگ) کے طور پر خدمات انجام دے رہے تھے، اب جنوبی کنیرا ضلع کے نئے ڈپٹی کمشنر ہوں گے۔ وہ ملائی موہلن ایم پی کی جگہ لیں گے، جنہیں نئی ذمہ داری کے تحت بنگلورو میں انسپکٹر جنرل آف رجسٹریشن اور کمشنر آف اسٹامپس مقرر کیا گیا ہے۔
اُڈپی کی باگ ڈور سواروپا ٹی کے کو سونپی گئی
اُڈپی ضلع میں سواروپا ٹی کے، آئی اے ایس کو ڈپٹی کمشنر کی حیثیت سے تعینات کیا گیا ہے۔ وہ ودیا کماری کے، آئی اے ایس کی جگہ لیں گی جن کا تبادلہ کر دیا گیا ہے۔ سواروپا اس سے پہلے ای-گورننس، دیہی ترقی اور پنچایت راج محکمہ میں ڈائریکٹر کے طور پر کام کر رہی تھیں۔
ریاست بھر میں تبادلوں کی لہر:
یہ تبدیلیاں صرف منگلورو اور اُڈپی تک محدود نہیں رہیں۔ باگل کوٹ، ہاسن، کوپل، داونگیرے اور بنگلورو سمیت دیگر اضلاع میں بھی درجن بھر آئی اے ایس افسران کے تبادلے اور نئی تعییناتیاں عمل میں آئی ہیں۔
ڈی پی اے آر (Department of Personnel and Administrative Reforms) کے مطابق یہ تبدیلیاں انتظامی کارکردگی کو بہتر بنانے کے مقصد سے کی گئی ہیں۔
Top of Form
