بھٹکل (فکروخبرنیوز) شہر اور اطراف میں گزشتہ تقریباً ایک گھنٹے سے بادلوں کی گرج اور بجلی کی کڑک کا سلسلہ جاری ہے۔ موسم میں تبدیلی کے ساتھ بارش کے آثار نمایاں ہیں، تاہم خبر لکھے جانے تک بارش شروع نہیں ہوئی تھی۔ دوسری جانب گزشتہ کئی دنوں سے جاری جھلسادینے والی گرمی نے لوگوں کو پریشان کر رکھا ہے۔ شدید گرمی اور حبس کے باعث عوام بارش کے منتظر ہیں، ایسے میں گرج چمک کے ساتھ موسم میں ہونے والی تبدیلی سے بارش کی امید پیدا ہوئی ہے۔
ہندوستانی محکمۂ موسمیات (آئی ایم ڈی) نے 16 اکتوبر کے لیے موسم کی پیش گوئی جاری کی ہے، جس کے مطابق کئی ریاستوں میں بارش، گرج چمک اور تیز ہواؤں کی سرگرمیاں دیکھنے کو مل سکتی ہیں۔ بعض علاقوں میں شدید بارش کا امکان ظاہر کیا گیا ہے، جہاں بعض علاقوں میں موسلادھار کی وارننگ بھی دی گئی ہے۔
ساحلی کرناٹک، بشمول بھٹکل اور آس پاس کے علاقوں کے موسم پر بھی نظر رکھنا ضروری ہے۔ تاہم بھٹکل یا ضلع اُتر کنڑ کے لیے مخصوص بارش کی وارننگ اور اس کی شدت کے بارے میں حتمی اطلاع کے لیے محکمۂ موسمیات کے مقامی انتباہات کو دیکھنا چاہیے۔
