لندن: (فکروخبر/ذرائع)انگلینڈ کے 90 فیصد سے زائد اسکولوں نے 16 سال تک کے بچوں کے موبائل فون استعمال کرنے پر پابندی عائد کردی ہے۔ یہ فیصلہ ایک حالیہ سروے کے بعد کیا گیا جس میں انکشاف ہوا تھا کہ 12 سال تک کے بچے بھی فحش مواد تک رسائی حاصل کر رہے تھے، جو بچوں کی ذہنی اور جسمانی صحت پر منفی اثرات ڈال رہا ہے۔
سروے کے نتائج نے والدین اور اساتذہ میں تشویش پیدا کر دی تھی، جس کے بعد والدین نے اسکول انتظامیہ سے موبائل فونز پر پابندی عائد کرنے کی درخواست کی تھی۔ اس کے بعد یہ پابندی لگائی گئی ہے تاکہ بچوں کو موبائل فونز اور سوشل میڈیا کے نقصان دہ اثرات سے بچایا جا سکے۔
