منگل 1446/03/21هـ (24-09-2024م)
کوویڈ 19 میں نو سالہ لڑکی نے اپنی ماں کوکھودیا، پڑھئے لڑکی کا ایک دلچسپ واقعہ
نوسالہ لڑکی اپنے ماں کی تیمارداری کے لیے اسپتال میں تھی۔ اس کی ماں کی طبیعت دو ہفتوں سے خراب چل رہی تھی۔ ابتدائی علاج ومعالجہ پر جب اس کی ماں کی طبیعت نہیں سنبھلی تو اسے میڈیکیری کے کوویڈ۔19 اسپتال میں داخل کیا گیا جہاں وہ ماں جانبر نہیں ہوسکی اور زندگی کی جنگ ہار گئی۔ نو سالہ ہرشیتھا اپنے ماں کے انتقال کے بعد ٹوٹ سی گئی ہے۔ ماں کی یادیں اسے ہمیشہ ستارہی ہیں۔ اس کے خواب چکنا چور ہوتے دکھائے دے رہے ہیں، جس کی ماں کی آغوش میں وہ اپنے آپ کو خوشی ومسرت کی انوکھی مثال سمجھتی تھی، آج اس سے جدا ہوگئی تھی۔ وہ ہمیشہ ہمیشہ کے لیے اسے چھوڑ کر چلی گئی ہے۔ اسے معلوم ہوگیا ہے کہ اب اس کی ماں اب کبھی نہیں لوٹ سکتی، وہ کبھی ادھر جھانکتی ہے اور تو کبھی اُدھر، کبھی اسپتال کے عملہ کو دیکھتی ہے تو کبھی وہاں موجود لوگوں کو، اسے سمجھ نہیں آرہا ہے کہ کیا جائے ، جب حالات یکسر تبدیل ہوگئے تو گھر کے موبائل میں قید اس کی تصاویر سے جی بہلانے کا ارادہ کیا۔ یکلخت اسے احاس ہوا ہے کہ ماں کے بعد اس کی تصاویر بھی وہ اب نہیں دیکھ سکتی تھی کیونکہ ایک دن قبل ہی اس کا موبائل فون اسپتال میں گم ہوگیا تھا۔ اس کی زندگی کی چند یادیں موبائل کے کیمرے میں قید تھی۔ ماں کی آغوش میں بیٹھی تصاویر تھیں، تہوار کی تصاویر بھی تھیں، غم کے ٹوٹے پہاڑ میں موبائل فون اس کی خوشیوں کا سہارا تھا، اب وہ اپنی ماں کو حقیقت میں تو نہیں دیکھ سکتی تھی لیکن اس کی تصاویر سے اپنا جی تو بہلاسکتی تھی۔
جواب دیں