بیلٹانگڈی: دھرمستھلا سے کادیرودیوارا ہوتے ہوئے الندڈکا جانے والی ایک سرکاری بس حادثہ کا شکار ہونے سے اس میں سوار کئی طلبہ زخمی ہوگیے ۔ حادثہ منگل کی شام اس وقت پیش آیا جب بس اُجیرے اور منڈاجے سے ہوتے ہوئے سومانتاڈکا، منڈاجے پہنچی جہاں ایک نالے میں جاگری۔ بتایا جارہا ہے کہ اگر بس تھوڑی سے مزید آگے بڑھتی تو ایک مکان کے صحن تک پہنچ جاتی جہاں بچے کھیل رہے تھے۔ بس کے نالے میں پھنسنے کی وجہ سے ایک بڑا حادثہ ٹل گیا ہے۔ اس علاقہ میں قومی شاہراہ کے توسیع کے باعث نالوں کی تعمیر جاری ہے۔
حادثہ میں متعدد طلباء اور مسافر زخمی ہوئے جنہیں فوری طور پر مقامی اسپتال منتقل کیا گیا۔ نالے کی تعمیر کی وجہ سے لوہے کی سلاخیں اوپر کو اٹھی ہوئیں ہیں، بس کے اگلا شیشہ ٹوٹنے کی وجہ سے دو طلبہ سیدھے نالے میں جاگرے۔ خوش قسمتی سے انہیں لوہے کی سلاخیں نہیں لگیں۔ مقامی لوگوں اور اہم شاہراہ توسیعی کام کے عملہ نے فوری طور پر زخمیوں کو اسپتال پہنچانے میں مدد کی۔
