بھٹکل: بھٹکل اور پورے اترکنڑا کے لیے یہ ایک خوش آئند خبر ہے کہ بھٹکل سے تعلق رکھنے والے محمد زیدابن محمد محسن راجہ نے بنگلورو میں ریاستی سطح کے کراٹے مقابلے میں اول مقام حاصل کیا ہے۔
محمد زید انجمن بوائز ہائی اسکول ، بھٹکل کے طالب علم ہیں اور الائنس مارشل آرٹس اکیڈمی سے جڑے ہوئے ہیں۔ انہوں نے بنگلورو کے کورامنگلا انڈور اسٹیڈیم میں منعقدہ اکھیلا کرناٹک اسپورٹس کراٹے ایسوسی ایشن کے ریاستی سطح کے کراٹے مقابلے حصہ لیا تھا۔
محمد زید نے اس کامیابی کے ساتھ حیدرآباد میں ہونے والی قومی کراٹے چیمپئن شپ میں جگہ حاصل کی ہے جہاں وہ کرناٹک کی نمائندگی کریں گے۔
