انکولہ کے قریب شیرور میں لینڈ سلائیڈنگ کی وجہ سے لاپتہ کیرلا کا ڈرائیور ارجن اور اس کی لاری کو آج نکالا گیا۔ یہ تیسری تلاشی مہم ہے جو آج چھٹے دن میں داخل ہوئی۔
یاد رہے کہ 16 جولائی کو مذکورہ مقام پر ہوئی لینڈ سلائیڈنگ میں 11 افراد ہلاک ہوگئیے تھے جن میں سے 8 کی نعشیں بازیافت کرلی گئیں تھیں۔
لاپتہ بھارت بینز لاری اور اس کا ڈرائیور ارجن، جس کا تعلق کیرالا سے تھا، کو آج بدھ کو جاری تلاشی مہم میں تیسری کوشش کے بعد بازیاب کر لیا گیا، جو چھٹے دن میں داخل ہو گیا۔
آج دریائے گنگاولی میں تلاشی مہم کے دوران کے دوران بھارت بینز لاری کو تلاش کیا گیا اور اسے کرین کے ذریعے اٹھایا گیا۔
ہفتے کے روز غوطہ خوروں نے ٹینکر کے کیبن اور دو ٹائروں کا پتہ لگایا تھا جبکہ اتوار کو ڈریجنگ آپریشن کے دوران ایک ہڈی ملی تھی، جسے ڈی این اے ٹیسٹ کے لیے بھیج دیا گیا ہے تاکہ یہ معلوم کیا جا سکے کہ آیا یہ لاپتہ افراد میں سے کسی کی ہے یا نہیں۔
اب ارجن کی لاش برآمد ہونے کے بعد باقی دو متاثرین کی تلاش جاری ہے۔
