بھٹکل : 25 جنوری کو بروز ہفتہ الکوثر گرلز کالج میں سالانہ تقریب کے موقع پر ہوم سائنس کی طالبات نے "گانوی تھالی” کے عنوان سے بھٹکل کے روایتی کھانوں کی تیاری اور ان کی پیشکش کا شاندار مظاہرہ کیا۔ اس تقریب میں شہر کی معروف تنظیموں (انجمن، تنظیم، نوائط محفل) کے ذمہ داران اور دیگر معزز شخصیات نے شرکت کی۔
روایتی کھانوں کی نمائش اور پذیرائی
تقریب میں 30 سے زائد بھٹکلی روایتی پکوان تیار کیے گئے، جنہیں مہمانوں نے بے حد پسند کیا۔ کئی معززین نے اس بات پر زور دیا کہ قدیم بھٹکلی کھانوں کو زندہ رکھنا نہایت ضروری ہے تاکہ نئی غذائی عادات کے باعث صحت پر پڑنے والے منفی اثرات سے بچا جا سکے۔
اس موقع پر بھٹکل مسلم خلیج کونسل کے جنرل سیکرٹری جناب عتیق الرحمن منیری، تنظیم کے جنرل سیکرٹری جناب عبدالرقیب ایم جے اور دیگر معززین نے اپنے خیالات کا اظہار کیا۔
اس موقع پر الکوثر ہوم سائنس ڈیپارٹمنٹ کی جانب سے بھٹکلی کھانوں کی ریسپیز پر مشتمل ایک خوبصورت کتاب کا اجرا بھی کیا گیا، جس میں مختلف قدیم و لذیذ کھانوں کی تفصیلات اور ان کے بنانے کا طریقہ تصاویر کے ساتھ شامل تھا۔
"گانوی ناشتے” کا خصوصی پریزنٹیشن
اسی سلسلے کی ایک کڑی 16 جنوری 2025 بروز جمعرات کو الکوثر گرلز کالج میں "گانوی ناشتے” کے عنوان سے ایک خصوصی پریزنٹیشن پیش کیا گیا۔تھا یہ ناشتہ ہوم سائنس کی طالبات نے معلمات کی نگرانی میں خود تیار کیا تھا۔
اس موقع پر آئی این ایف کے صدر جناب ارشد یس ایم نوائط محفل کے جنرل سکریٹری جناب اشتیاق رکن الدین اور مشہور نوائطی شاعر سید سمیع اللہ برماور وغیرہ شریک تھے
اس موقع پر کالج کی ان ممتاز طالبات کو، جنہوں نے قرات، نظم، اور مضمون نویسی جیسے مختلف مقابلوں میں امتیازی نمبروں سے کامیابی حاصل کی تھی، انعامات اور سرٹیفکیٹس سے نوازا گیا۔
"بیسٹ ٹیچر ایوارڈ” کی تقریب
تقریب کی ایک اہم کڑی کے طور پر، اس سال الکوثر گرلز کالج کی معلمہ محترمہ خیر النساء صاحبہ کو ان کی نمایاں تعلیمی خدمات کے اعتراف میں "بیسٹ ٹیچر ایوارڈ” سے نوازا گیا۔ انہیں ایک سرٹیفکیٹ کے ساتھ ایک قیمتی تحفہ بھی پیش کیا گیا۔
اس موقع پر موجود معززین نے طالبات اور معلمات کی محنت اور لگن کو بے حد سراہا اور کالج کے مزید ترقی کی دعا کی۔
تقریب کے دوران الکوثر گرلز کالج کی پرنسپل محترمہ نبیرہ صاحبہ نے کالج اور ہوم سائنس ڈیپارٹمنٹ کا مختصر تعارف پیش کیا۔ اس موقع پر الکوثر ہوم سائنس کی دیگر ذمہ دار خواتین بھی موجود تھیں، جنہوں نے طالبات کی حوصلہ افزائی کی۔
الکوثر گرلز کالج، بھٹکل کا ایک معروف تعلیمی ادارہ ہے، جہاں میٹرک پاس طالبات کے لیے تین سالہ عالمیت کورس (ڈپلومہ ان اسلامک اسٹڈیز) پیش کیا جاتا ہے۔ اس کورس میں دینی علوم جیسے تفسیر، حدیث اور عربی زبان کے ساتھ ساتھ طالبات کو سلائی، کڑھائی، کروشیا اور دیگر گھریلو فنون کی عملی تربیت دی جاتی ہے۔
واضح رہے کہ سال 2024 میں، الکوثر گرلز کالج نے ایک اہم اقدام کرتے ہوئے ہوم سائنس کا ایک سالہ کورس متعارف کروایا، جس میں بنیادی دینی مضامین کے ساتھ ساتھ سلائی، ایمبرائڈری، کوکنگ، کمپیوٹر اور کونسلنگ کی عملی تعلیم دی جاتی ہے۔ ہر مضمون کی تدریس کے لیے متعلقہ شعبے کی ماہر معلمات کی خدمات حاصل کی گئی ہیں۔
تقریب میں موجود معزز شخصیات میں شامل تھے جن میں قابلِ ذکر جناب عنایت اللہ شاہ بندری ، جناب اسحاق شاہ بندری ، جناب افتاب کولا ، ڈاکٹر اویس خواجہ رکن الدین ،
جناب محی الدین کوچوباپا ، جناب قادر میراں پٹیل ، جناب مولانا سید زبیر مارکیٹ ، جناب عمران لنکا ، ، مولانا عزیز الرحمن رکن الدین ، جناب محی الدین الطاف کھروری ، جناب محتشم برنی ہاشم ، جناب اقبال سہیل ، جناب اسماعیل جوکاکو وغیرہ ہیں۔
رپورٹ:
سکریٹری، الکوثر گرلز کالج
