ناکامی ، کامیابی کا زینہ ہے، اپنے نونہالوں کے لیے صحیح تعلیمی میدان کا کریں انتخاب ، سیول سرویس میں نوجوانوں کو آگے بڑھانا ضروری ، مقررین کا اظہارِ خیال
مہتمم جامعہ اسلامیہ بھٹکل اور الفلاح کے سرپرست مولانا مقبول احمد ندوی نے محلہ کے کئی محسنین کا تذکرہ کرتے ہوئے ان کی خدمات کی تفصیلات بھی بیان کی۔ خصوصاً سابق مہتمم جامعہ اسلامیہ بھٹکل اور سابق امام وخطیب جامع مسجد بھٹکل حضرت مولانا عبدالباری ندوی رحمۃ اللہ علیہ کی خدمات اور ان کی فکروں کا نچوڑ پیش کیا جس سے کئی پرانی یادیں تازہ ہوگئیں۔
پروفیسر غانم محتشم نے کہا کہ بچوں کی صلاحیتوں کو دیکھتے ہوئے ان کے لیے تعلیمی میدانوں کا انتخاب ہونا چاہیے نہ کہ کسی کا دیکھا دیکھی وہ اپنے میدان کا انتخاب کرے یا پھر والدین اپنے بچوں کے تعلیمی میدان کا انتخاب کرے ۔ افسوس یہ ہے کہ ہم یہ نہیں دیکھتے کہ ہمارا بچہ اس تعلیمی میدان میں دلچسپی بھی رکھتا ہے یا نہیں۔ پروفسیر غانم نے خصوصاً طلبہ کو توجہ دلائی کہ وہ ناکامی کی وجہ سے اپنی ہمت نہ ہاریں بلکہ اس کو کامیابی کا زینہ سمجھتے ہوئے آگے بڑھتے چلے جائیں۔ انہوں نے اس کی کئی ایک مثالیں بھی پیش کیں۔
واضح رہے کہ تلاوتِ قرآن سے شروع ہونے والے اس پروگرام میں نظامت کے فرائض مولوی بشارندوی نے انجام دیئے ، استقبالیہ کلمات اور جلسہ کے اغراض و مقاصد پر مولوی عبداللہ شریح ندوی نے روشنی ڈالی، بھٹکل مسلم یوتھ فیڈریشن کےصدر مولانا وصی اللہ ندوی نے حالات کی مناسبت سے اپنے خیالات کا اظہار کیا۔ صدارتی کلمات صدر الفلاح جناب اسماعیل جوباپو نے پیش کیے۔ دعائیہ کلمات پر یہ نشست اپنے اختتام کو پہنچی۔
