بھٹکل (فکروخبرنیوز) ابنائے جامعہ ، جامعہ اسلامیہ بھٹکل کی دو سالہ میعاد 1447 اور 1448 کے لیے آج منعقدہ انتظامی نشست میں عہدیداران کا انتخاب عمل میں آیا جس میں مولانا رحمت اللہ رکن الدین ندوی صدر اور مولانا عبدالاحد فکردے ندوی کو جنرل سکریٹری منتخب کیا گیا ہے۔
عہدیداران کی تفصیلات کچھ یوں ہے۔
صدر : مولانا رحمت اللہ رکن الدین ندوی
نائب صدر اول: مولانا عمیر خلیفہ ندوی
نائب صدر دوم: مولانا وصی اللہ دامدا فقیہ ندوی
جنرل سکریٹری: مولانا عبد الاحد فکردے ندوی
نائب سکریٹری: مولانا ابراہیم رکن الدین ندوی
خازن: مولانا عبد الحسیب منا ندوی
محاسب: مولانا بشیر سدی باپا ندوی
واضح رہے کہ 3 جولائی 2025 بروز جمعرات بمقام رابطہ ہال میں عام انتخابی اجلاس منعقد ہوا تھا جس میں کثرتِ آراء سے اگلی دو سالہ انتظامیہ 1447-1448 کے لیے تیس مقامی اراکین کا انتخاب عمل میں آیا۔ اس کے بعد مختلف علاقوں میں قائم ابناء کی یونٹوں کے لیے وہاں کی نمائندگی کے لیے احباب کے نام بھیجنے کی درخواست کی گئی تھی۔ یہ عمل مکمل ہونے کے بعد آج ابناء کی انتظامی نشست منعقد ہوئی جس میں عہدیداران کا انتخاب عمل میں آیا۔ فکروخبر تمام عہدیداران کو مبارکباد پیش کرتا ہے۔
