بنگلورو(فکروخبرنیوز) الیکشن کمیشن آف انڈیا (ECI) نے کرناٹک میں ووٹر فہرستوں کی خصوصی جامع نظرثانی (Special Intensive Revision – SIR) کا عمل کامیابی کے ساتھ مکمل کرنے کے بعد منگل کو حتمی ووٹر فہرست باضابطہ طور پر شائع کر دی ہے۔ ریاست کے تمام شہری اور ووٹرز الیکشن کمیشن کی آفیشل ویب سائٹ (https://ceo.karnataka.gov.in/en) پر جا کر اپنا نام اور دیگر تفصیلات آن لائن چیک کر سکتے ہیں۔
موصولہ اطلاعات کے مطابق، الیکشن کمیشن کی جانب سے ڈرافٹ ووٹر لسٹ کے اجرا کے بعد موصول ہونے والے تمام دعووں، اعتراضات اور تصحیح کی درخواستوں کو تفصیلی جانچ کے بعد نمٹا دیا گیا ہے، جس کے بعد یہ حتمی فہرست تیار کی گئی ہے۔ الیکشن کمیشن نے تمام ووٹرز کو ہدایت دی ہے کہ وہ ویب سائٹ پر جا کر حتمی ووٹر لسٹ میں اپنے نام، پتہ اور دیگر فراہم کردہ تفصیلات کی تصدیق کر لیں تاکہ آنے والے انتخابات میں انہیں کسی قسم کی دشواری کا سامنا نہ کرنا پڑے۔
حکام نے واضح کیا ہے کہ اگر کسی شہری کو حتمی فہرست میں اپنا نام شامل نہ ملے یا اس میں تبدیلی درکار ہو، تو وہ الیکشن کمیشن کے طے شدہ مسلسل عمل کے تحت متعلقہ فارم کے ذریعے آن لائن یا آف لائن اپلائی کر سکتے ہیں۔
