غزہ شہر میں انسانی امداد کا انتظار کرنے کے دوران اسرائیلی فوج کی شوٹنگ میں فلسطینی فٹبالر سلیمان احمد العبید جاں بحق ہوگئے ہیںـ۔۲۴؍ مارچ ۱۹۸۴ء کو غزہ میں پیدا ہونے والےسلیمان احمد زید العبید نہ صرف یہ کہ اپنے کلب بلکہ قومی اسکوئیڈ کے اہم لیڈر تھے۔ انہیں غزہ پٹی لیگ کے باصلاحیت حملہ آور میڈ فیلڈرز ( فٹ بال یا ہاکی جیسے کھیلوں میں ایسا کھلاڑی جو ٹیم کے درمیان کے حصے میں کھیلتا ہے اور حملے اور دفاع دونوں میں کردار ادا کرتا ہے) ہونے کا اعزاز حاصل ہے۔ سلیمان احمد کی موت کے بعد غزہ جنگ میں جاں بحق ہونے والے ایتھلیٹس کی تعداد میں اضافہ ہوگیا ہے۔
فلسطین اور دیگر ممالک کی اسپورٹس کمیونٹی نے ان کی موت پراظہارافسوس کیا ہے۔ العبید نے مقبوضہ مغربی کنارے کے شباب الشاتی اور العمری کلب کے ذریعے اپنے فٹ بال کریئر کی شروعات کی تھی۔ ۲۰۱۰ء میں انہوں نے یمن کے خلاف میچ میں بہترین کارکردگی کا مظاہرہ کیا تھا اور ٹیم کے کیپٹن کے طور پر فلسطین کی نمائندگی کی تھی۔ سلیمان احمد العبید ’’دی پیل آف فلسطین‘‘ کہلاتے تھے۔
