نئی دہلی: بی جے پی کے رکن پارلیمنٹ نشی کانت دوبے نے سنیچر کو 1965 کی بھارت-پاکستان جنگ کے تناظر میں کانگریس کے کردار پر تنقید کی۔ انہوں نے الزام لگایا کہ اسی وجہ سے 1965 کی بھارت پاکستان جنگ میں بھارت کی فتح کے باوجود اندراگاندھی نے گجرات کے رن آف کچھ کا 828 مربع کلومیٹر علاقہ پاکستان کے حوالے کر دیا۔
دوبے نے الزام لگایا کہ اندرا گاندھی کی قیادت میں کانگریس پارٹی نے بین الاقوامی ثالثی سے اتفاق کیا۔ نتیجتاً بھارت کو پاکستان کے ہاتھوں اپنی زمین کھونی پڑی۔ دوبے نے ایک دستاویز کا حوالہ دیتے ہوئے دعویٰ کیا کہ یہ فیصلہ اقوام متحدہ کے تحت بین الاقوامی ٹریبونل کے بعد لیا گیا تھا۔ جہاں بھارت نے یوگوسلاویہ کے ایلس بیبلر کو اپنا نمائندہ مقرر کیا تھا۔ دوبے کے مطابق کانگریس نے اندرا گاندھی کو ‘آئرن لیڈی’ بتایا، لیکن اندرا گاندھی نے 1965 کی جنگ جیتنے کے باوجود خوف کی وجہ سے پاکستان کو زمین دینے کا فیصلہ کیا۔
سوشل میڈیا ایکس پر ایک پوسٹ میں انہوں نے لکھا کہ ”آج کی کہانی بہت دردناک ہے۔ 1965 کی جنگ جیتنے کے بعد کانگریس نے 1968 میں گجرات میں رن آف کچھ کا 828 مربع کلومیٹر علاقہ پاکستان کو دے دیا۔ ہم نے یوگوسلاویہ کے وکیل علی بابر کو ثالث مقرر کرتے ہوئے بھارت پاکستان مسئلہ کو بین الاقوامی فورم پر لایا۔ پوری پارلیمنٹ نے احتجاج کیا لیکن اندرا گاندھی آئرن لیڈی تھیں، ڈر کے مارے انہوں نے ہمارا حصہ نیلام کر دیا۔ یہ آئرن لیڈی کی حقیقت ہے۔’
قومی سلامتی اور قیادت پر نئی سیاسی بحث کے درمیان کانگریس پارٹی نے بار بار سابق وزیر اعظم اندرا گاندھی کی وراثت پر زور دیا ہے۔ پاکستان کے ساتھ کشیدگی میں اضافے کے دوران ان کے فیصلہ کن کردار کو خاص طور پر اجاگر کیا گیا۔ عوامی بیانات کی ایک سیریز میں کانگریس کے کئی رہنماؤں نے اندرا گاندھی کو ایک مضبوط اور پرعزم رہنما کے طور پر یاد کیا جو بحران کے وقت سخت فیصلے لینے کے لیے مشہور تھیں۔
کانگریس پارٹی نے اس سے قبل کانگریس ہیڈکوارٹر کے باہر پوسٹر لگائے تھے جس میں نعرے درج تھے جیسے "اندرا بننا آسان نہیں ہے” اور "انڈیا کو اندرا کی کمی محسوس ہوتی ہے”۔ اس سے پہلے، بی جے پی کے رکن پارلیمنٹ نے راہل گاندھی پر منافقت کا الزام لگایا جب کانگریس لیڈر نے آپریشن سندور کے دوران مار گرائے جانے والے آئی اے ایف جیٹ طیاروں کی تعداد پر وزیر خارجہ جے شنکر کی خاموشی پر سوال اٹھایا۔ وہیں راہل گاندھی کا نے زور دیا کہ ملک کو ‘سچ جاننے کا حق’ ہے۔
کانگریس کی حمایت یافتہ حکومت کے تحت 1991 میں طے پانے والے ایک معاہدے کا حوالہ دیتے ہوئے بی جے پی کے رکن پارلیمنٹ دوبے نے دعویٰ کیا کہ بھارت اور پاکستان کے لیے فوجی تعیناتیوں اور حملوں کے بارے میں جانکاری کا تبادلہ کرنا لازمی ہے۔ انہوں نے لکھا کہ ‘راہل گاندھی، یہ آپ کی حکومت کے دوران کیا گیا معاہدہ ہے۔ دوبے نے اپنی تنقید میں مزید کہا کہ ‘کانگریس پاکستانی ووٹ بینک کے ساتھ گٹھ جوڑ میں ہے۔’
