ہفتہ 1446/05/14هـ (16-11-2024م)
صحت خدمات غریبوں کے لئے دن بدن مشکل ہورہی ہیں
ہماری طبی خدمات بہت زیادہ مہنگی ہیں، جو غریبوں کی پہنچ سے کافی دور ہوگئی ہیں۔ صحت، تعلیم، کھانا پینا، رہائش زندگی کی بنیادی ضرورتیں ہیں۔ ہمارے ملک میں غریبوں اور امیروں کے درمیان خلیج بہت چوڑی ہوگئی ہے۔ اسے پاٹنے کی کسی کو فکر نہیں ہے۔ دراصل معاشی اور سماجی ناہمواریاں صحت کی ناسازگار صورتحال کو جنم دیتی ہیں۔ غذا کی کمی ایک بڑا مسئلہ ہے۔ ہمارے ملک کی ۰۷ فیصد مالیات اور ذرائع و وسائل پر کچھ ہزار سے بھی کم لوگوں نے قبضہ جمارکھا ہے۔ آج ملک کی تقریباً آدھی آبادی ۰۲ سے ۲۳روپے یومیہ میں گزر بسر کرنے کو مجبور ہے لیکن دوسری طرف کچھ ہزار لوگ ۵ سے ۶کروڑ روپے کا پیکج لیتے ہیں نابرابری کی یہ خلیج دنوں دن چوڑی ہوتی جارہی ہے۔ دستور میں اس کی گنجائش ہوتے ہوئے بھی کہ شہریوں کو صحت اور تعلیم فراہم کرنے کی ذمہ داری ریاستی حکومتوں کی ہوگی، حکومت اسے پورا کرنے سے اکثر کتراتی ہے۔ صحت سرویسس کی نجی کاری جاری ہے جس سے عام لوگوں کو پریشانی کا سامنا کرنا پڑرہا ہے۔ عام لوگ آج جہاں بنیادی صحت خدمات کی سہولتوں کی کمی سے جوجھ رہے ہیں تو وہیں دوسری طرف ہمارا ملک میڈیکل ٹورزم کے نام پر غیر ملکی امیروں کی صحت کی سیرگاہ بنتا جارہا ہے۔ صحت خرچ کا مقابلہ جب ہم دیگر ممالک سے کرتے ہیں تو ہمارے ملک کا مقام نیچے سے چھٹا آتا ہے ۔یعنی ہمارے ملک سے اوپر ملیشیا، سری لنکا، تھائی لینڈ اور بنگلہ دیش ہیں۔ چین کو تو چھوڑ ہی دیا جائے۔ سابق یوجنا آیوگ کے مطابق ہندوستان میں چھ لاکھ ڈاکٹرس، ۰۱ لاکھ نرسیس اور ۲ لاکھ ماہرین امراض دندان کی کمی تھی، ان کے ساتھ ساتھ پیرامیڈیکل اسٹاف کی بھی بھاری کمی ہے۔ موجودہ وقت میں ملک میں میڈیکل طرز علاج کے لگ بھگ ۰۰۰۵۲۱۱ ڈاکٹرس متعدد میڈیکل بورڈوں میں رجسٹرڈ ہیں جن میں سے محض ۰۰۰۵۲۱ ہی سرکاری اسپتالوں میں کام کررہے ہیں۔
جواب دیں