اتوار 1446/06/21هـ (22-12-2024م)
آخر کیوں کچوکے نہیں لگتے دیکھ کر مساجد کی ویرانیاں؟
المیہ یہ ہے کہ نسل کشی کے باوجودمسلمان ہوش میں آنے تیارنہیں ہیں، آزادی کے70سالوں کے تلخ تجربات اورخونچکاں حالات سے بھی کوئی سبق نہیں سیکھا،غفلت اوربے دینی میں مبتلاہونے کاہی نتیجہ ہے کہ اجودھیاکی بابری مسجد ہاتھ سے چلی گئی، ملک میں ایسی ہزاروں مساجد ہیں جو ہمہ منزلہ عمارتوں،سرکاری محکمہ جات کے دفاتر اورگارڈن بنادی گئی ہیں،ان مساجد کوبابری مسجد کی طرح شہید کرکے قبضہ میں نہیں لیاگیاہے،بلکہ یہ ساری مساجد محض اس لئے چھینی گئیں کیونکہ ان مساجدمیں پابندی سے نمازوں کااہتمام نہیں ہوتاتھا، یہ ویران مساجد مصلیان کامہینوں انتظار کرتی تھیں، ان مساجد کونمازوں سے آباد رکھنے کے بجائے مقامی مسلمان بازاروں اورہوٹلوں کی رونق بنے رہے، گھروں میں میٹھی نیندسونے کوترجیح دیتے رہے، ایسی کئی مساجد بھی ہیں جہاں آج بھی اذان تک نہیں دی جاتی ہے، اذان کی آواز سننے کے باوجود مسلمان مسجد کارخ نہیں کرتے ہیں، ایسی مساجد جن کی ویرانی مسلمانوں پر کوئی اثرنہیں کرتی،مسلمانوں کوہی احساس نہیں ہے تو حکومت اوردیگرمذاہب کے شرپسند عناصرمساجد کی ویرانی کوکیونکر محسوس کر سکتے ہیں؟مصلیان کے لئے ترستی ان خالی ویران مساجدپرقبضہ ہونا توفطری امرہے، تشویش کی بات ہے کہ اورنگ آبادمیں بھی ہی درجنوں ایسی مساجد ہیں جوگذشتہ کئی دہائیوں سے ویران ہیں، برسوں سے وہاں نہ اذان کی آواز گونجی اورنہ باجماعت نماز اداکی گئی،ہرسول جیل کے عقبی حصہ اوربسئیے نگر کے علاوہ یونیورسٹی احاطہ میں بھی متعدد قدیم تاریخی مساجدویران پڑی ہیں، کئی مسجدیں عدم توجہی کے سبب کھنڈر میں تبدیل ہوچکی ہیں، اگرہم مساجد کے عادی نہیں ہوں گے، نمازوں کے اہتمام نہیں کریں گے تو ظاہرہے مساجد پراشرار کے ناجائز قبضہ جات اورمسجدیں شہید ہونے کاسلسلہ کوئی نہیں روک سکے گا،
انسانی حقوق کے علمبرداروں کو نشانہ بنایا گیا اور ان کا جینا حرام کردیا گیا۔ اس طرح سے حق کی آواز کو دبانے کی کوششیں جاری ہے۔ عالمِ اسلام اسرائیل کوقبلہ اول کی بے حرمتی، تقدس کی پامالی اْسے شہید کرنے کی کسی بھی کوشش کے خلاف خبردار کرتا رہا اور اسرائیل عالمِ اسلام کے کٹ پتلی سربراہوں کو خاطر میں نہ لاتے ہوئے اپنی مشن کی تکمیل میں لگا ہوا ہے جو خبریں مختلف ذرائع اور وسائل سے افشاء ہورہی ہیں اس کے مطابق مسجد اقصیٰ کی بنیادوں کو کھوکھلا کیا جاچکا ہے اْس میں ایسے کیمیاء مادے کو استعمال کیا جارہا ہے جس سے یہ بوسیدہ اور شکستہ ہونے لگی ہیں اب ایک مصنوعی زلزلہ کے ذریعہ قبلہِ اول کو شہید کرنے کی سازش پر بس عمل کیا جانا باقی ہے۔ دنیا جانتی ہے کہ امریکہ اور اسرائیل ان دنوں ہارپ ٹکنالوجی کا استعمال کرتے ہوئے مصنوعی زلزلے، مصنوعی سونامی، مصنوعی خشک سالی کے کامیاب تجربے کرچکے ہیں۔ جاپان میں مصنوعی سونامی اور زلزلوں کے ذریعہ نیوکلیئر ریاکٹرس کو ناکارہ کردیا گیا۔ مسجد اقصیٰ کی شہادت پر عالمِ اسلام کاردّعمل کیا ہوگا یہ جاننے کے لئے موساد نے اسلام دشمن طاقتوں اور تنظیموں کے اشتراک اور تعاون سے بابری مسجد کو شہید کیا جسے کہا جاتا ہے کہ یہ دراصل قبلہ اول کی شہادت کا ریہرسل ہے۔ اسرائیل امریکہ اور ہندوستان میں موجود ان کی الہ کار اسلام دشمن تنظیمیں حکومتوں، سرکاری اداروں، انٹلی جنس، پولیس میں ان کے ہم خیال افراد نے بابری مسجد کی شہادت کے ساتھ مسلمانوں کے ردِ عمل کو روکنے اور ان کی طاقت کو منتشر کرنے کا غیر معمولی مظاہرہ کیا۔ بابری مسجد کی شہادت پر ہر مسلمان غم و غصہ سے اپنے آپے سے باہر ہوچکا تھا اگر وہ اپنے غصہ کا اظہار کرتا تو شاید ہندوستان کی تاریخ مکمل طور پر بدل جاتی مگر منصوبہ بند طریقہ سے شہادت کے فوری بعد میڈیا کو استعمال کرتے ہوئے سب سے پہلے مسلمانوں کو مسلم قیادت سے بدظن کیا گیا۔ مسلمانوں کے سرکردہ قائدین کو ملت کے سوداگر قرار دیتے ہوئے عام مسلمانوں کی نظروں سے گرا دیا گیا جس کی وجہ سے کروڑوں مسلمان جو اللہ کے گھر کی شہادت کا منہ توڑ جواب دے سکتے تھے وہ بکھر گئے، ان کا جوش اور ولولہ، مایوسی اور بے بسی میں بدل گیا۔ بابری مسجد شاید شہید نہیں ہوتی اگر چند بدبخت اپنے سیاسی مقاصد کے لئے اس کا استحصال نہ کرتے۔۲۲ برس ہوگئے اس سانحہ کو ہر بار۶آدسمبر کو ہم میں سے کچھ غیرت مند اور ایمان کے اآخری درجے میں اپنے غم کو بڑے ہی اہتمام کے ساتھ کالے کپڑے پہن کر اور کالے فتیہ لگا کربابری مسجد کا غم مناتے ہیں کچھ تنظیمیں اور پارٹیاں جلسے اور جلوس کو لے کر دھرنے دیتی ہیں اور میمورنڈم کے ذریعہ اپنی بات کو حکومت ہند تک پہنچاتے ہیں۔اوراآج ہم اس شہادت کی ۲۲ویں برسی منائیں گے مگر کچھ حاصل نہیں ہوگا حکومت پر جوں تک نہیں رینگے گی۔ فرقہ پرستی اور تعصب پسندی ہندوستان ہی نہیں پوری دنیا میں اپنے عروج پر ہے۔ہم اتنے سارے ہو کر بھی پچھلے ۲۰آسالوں سیایک مسجد کو دوبارہ اس کے مقام پر کھڑا نہیں کرسکے۔اآخر کیا وجہ ہے کہ ہم ہمارے جائز اور حق والے مسائل کو حل نہیں کر واپاررہے ہیں کیو ں ہمارا حق ہمیں نہیں ملتا ہے اآخرکیوں پوری دنیا میں ہمیں گیہوں میں موجود کیڑوں کی طرح مسل کر رکھ دیا جارہا ہے۔۔۔ افسوس ہے ایسی زندگی پر۔۔۔۔۔افسوس۔۔۔۔ صد افسوس۔۔۔۔اآئییپیارے قارئین کرام مکمل ہی نہ سہی مگرکچھ غور کرنے کی کوشش کرتے ہیں کہ ایسا کیوں ہورہا ہے؟اآپ ذرا غورکریں کہ آج کے مسلمانوں کی اکثریت وہ ہیں جو رمضان کے مہینے میں پورے کے پورے اسلام میں داخل ہو جاتے ہیں۔ وہ روزے رکھتے ہیں، نمازیں پڑھتے ہیں اور اعتکاف میں بھی بیٹھتے ہیں۔ زکوت بھی رمضان کے مہینے میں دیتے ہیں۔ صاحب ثروت لوگ رمضان میں عمرہ بھی کرتے ہیں۔ مگر جونہی عید کا چاند نظر آتا ہے مسجدیں ویران ہو جاتی ہیں اور یہ مسلمان دنیاوی خرافات میں مگن ہو جاتے ہیں۔اآج کے مسلمان بہت سہل پسند ہو چکے ہیں۔ انہوں نے گناہ معاف کروانے اور جنت میں داخل ہونے کے ایسے آسان راستے تلاش کر لیے ہیں کہ اب انہیں مشقت کی ضرورت ہی نہیں رہی۔ مسلمان دھوکہ دیتے ہیں، زناکرتے ہیں، زمینوں پر قبضہ کرتے ہیں، صرف جمعہ یا عید کی نماز پڑھتے ہیں اور سمجھتے ہیں خدا غفورالرحیم ہے وہ انہیں بخش دے گا۔ کوئی مسجد نبوی میں چالیس نمازیں پڑھ کر سمجھتا ہے کہ گناہوں سے پاک ہو گیا، کوئی خانہ کعبہ کے پرنالہ کے نیچے سے گزر کر سمجھتا ہے اس کے گناہ دھل گئے،کہ اس کو خدا نے معاف کر دیا، کوئی خواجہ غریب نواز کے دربار میں حاضری دے کر سمجھتا ہے اس کی ساری خطائیں بخش دی گئیں۔ اسلام کا اصول تو یہ ہے کہ اس کے گناہ معاف کئے جائیں گے جو دوبارہ گناہ نہیں کرے گا۔ مگر مسلمانوں کی اکثریت اس اصول سے آنکھیں چرائے پھرتی ہے اورسمجھتی ہے کہ خدا کیساتھ مکر کیا جا سکتا ہے۔ ایسے مسلمانوں کو یہ یاد رکھنا چاہیے کہ خدا قرآن میں فرماتا ہے کہ جو اس کیساتھ مکر کرتا ہے وہ اس کیساتھ مکر کرتا ہے۔ یعنی جتنا چاہے چکر چلا لو خدا کو دھوکہ نہیں دیا جا سکتا۔ وہی بخشا جائے گا جو دل سے توبہ کرے گا اور آئندہ گناہ نہیں کرے گا۔
جواب دیں