بھٹکل (فکروخبر نیوز) عوام میں دینی بیداری پیدا کرنے اور روزمرہ زندگی سے متعلق فقہی مسائل کی صحیح معلومات عام کرنے کے مقصد سے فکروخبر اور اسلامی افکار کے اشتراک سے 10 روزہ آن لائن فقہ کوئز کا انعقاد کیا جارہا ہے جس کے لیے رجسٹریشن یکم جولائی سے شروع ہورہا ہے جبکہ مسابقہ کا باقاعدہ آغاز 11 جولائی کا ہوگا، مسابقہ کے ممتاز مساہمین کے درمیان ایک لاکھ کے انعامات تقسیم کیے جائیں گے۔ اس مسابقے کا بنیادی مقصد عام مسلمانوں کو روزمرہ پیش آنے والے فقہی مسائل سے واقف کرانا ہے تاکہ عبادات اور دیگر اعمال شریعت کے مطابق صحیح طور پر انجام دیے جا سکیں۔
تفصیلات کے مطابق یہ مسابقہ مکمل طور پر اوپن ہوگا، جس میں ہر عمر اور طبقے کے افراد شرکت کر سکیں گے۔ مسابقے میں شرکت کے لیے رجسٹریشن مفت رہے گا۔ شرکاء اردو یا انگریزی میں سے اپنی پسند کی زبان کا انتخاب بھی کرسکیں گے۔
منتظمین کی جانب سے شرکاء کو 200 منتخب سوالات و جوابات پر مشتمل ایک پی ڈی ایف فراہم کی جائے گی، جو اردو اور انگریزی دونوں زبانوں میں دستیاب ہوگی۔ روزانہ انہی سوالات میں سے 10 سوالات آن لائن پوچھے جائیں گے، جن کے جوابات کے لیے آپ کو آپشن فراہم کیے جائیں اور ان میں سے صحیح آپشن کو منتخب کرنا ہوگا۔
کوئز کے ذمہ داران نے عوام سے اپیل کی ہے کہ اس اطلاع کو زیادہ سے زیادہ لوگوں تک پہنچائیں تاکہ زیادہ سے زیادہ افراد اس علمی اور دینی مسابقے سے فائدہ اٹھا سکیں اور مقررہ وقت میں اپنی رجسٹریشن مکمل کر لیں۔
رجسٹریشن کرنے سے پہلے درج ذیل ہدایات کو پڑھ لیں۔
مقابلے میں شرکت کے لیے رجسٹریشن لازمی ہے جو یکم جولائی سے شروع ہورہا ہے۔ مقررہ وقت ختم ہونے کے بعد رجسٹریشن کا موقع نہیں ملے گا۔
رجسٹریشن مکمل ہونے کے بعد آپ کو ایک رجسٹریشن کوڈ دیا جائے گا۔ اسے محفوظ رکھیں، مقابلے میں شرکت کے وقت یہی کوڈ استعمال کرنا ضروری ہوگا۔
ایک موبائل نمبر سے ایک ہی شخص رجسٹریشن کرسکتا ہے۔
رجسٹریشن مکمل ہونے کے بعد آپ کو سوالات و جوابات کی کاپی PDF کی شکل میں دی جائے گی۔ مقابلے میں اس میں سے سوالات پوچھے جائیں گے۔
رجسٹریشن کے لیے اس لنک پر کلک کریں۔
https://smartkit.cc/fiqshshafech
یاد رہے کہ رجسٹریشن یکم جولائی سے ہی کرسکیں گے۔ اس سے پہلے رجسٹریشن ممکن نہیں ہوگا۔
