منگلور : ہائی فوکس والے بلب استعمال کرنے والی گاڑیوں کے خلاف کارروائی، لاکھوں کا جرمانہ وصول
منگلورو، 25 جولائی: پولیس نے سٹی پولیس کمشنریٹ کی حدود میں ہائی بیم اور ضرورت سے زیادہ روشن لائٹس استعمال کرنے والی گاڑیوں کے خلاف کارروائی تیز کردی ہے۔ 15 سے 23 جون تک 1170 مقدمات درج کیے گئے اور 5.86 لاکھ روپے جرمانے وصول کیے گئے۔
پولس کمشنر انوپم اگروال نے کہا، "عوام کو ہیڈلائٹس صرف سنٹرل موٹر وہیکل ایکٹ 1989 میں بیان کردہ رہنما خطوط کے مطابق ہی لگائیں۔ ہائی ویز پر اور منگلورو کمشنریٹ کی حدود میں جہاں اسٹریٹ لائٹس موجود ہیں ہائی بیم کا استعمال نہیں کیا جانا چاہئے۔
دو پہیوں اور تین پہیوں والی گاڑیوں میں صرف ایک یا دو ہیڈلائٹس ہونی چاہئیں۔ فور وہیلر اور بڑی گاڑیوں میں دو یا چار ہیڈ لائٹس ہونی چاہئیں۔ گاڑیوں سے خارج ہونے والی روشنی ہمیشہ نیچے کی طرف مرکوز ہونی چاہیے اور آٹھ میٹر کے فاصلے پر گاڑی میں بیٹھے شخص کی آنکھوں کو تکلیف نہیں ہونی چاہیے۔
جواب دیں