سلیا میں کانگریس لیڈر وحیدہ اور اس کے شوہر پر تیز دھار ہتھیار سے حملہ

جب وحیدہ میٹنگ میں تھی تو اس کا شوہر قریب میں واقع ایک دکان میں وحیدہ کا انتظار کررہا تھا ۔ میٹنگ کے اختتام کے بعد وحیدہ باہر نکل ہی رہی تھی کہ ایک نوجوان نے اس کے شوہر پر چاقو سے حملہ کردیا ۔ جب وحیدہ نے بچانے کی کوشش کی تو اس پر بھی حملہ کیا گیا ۔ عوام کو اطلاع ملتے ہی فوری امداد کے لیے پہنچے تب تک اسماعیل کے پیٹ ، گردن اور جسم کے دیگر اعضاء پر چاقو سے حملہ کیا جاچکا تھا ۔ حملہ آور کی شناخت ایم اے صدیق مقیم بلارے کی حیثیت سے کرلی گئی ہے ۔ مقامی عوام نے صدیق کو پولیس کے حوالے کردیا ہے ۔ ابتدائی تحقیقات کے بعد پتہ چلا ہے کہ اسماعیل اور حملہ آور کے درمیان نجی معاملہ کو لے کر جھگڑا ہوا تھا ۔ سولیا پولیس مزید تحقیقات کررہی ہے ۔