استنبول : 31اکتوبر2021(فکروخبر/ذرائع)ترکی میں ایک بچی نے اس وقت سب کو مسکرانے پر مجبور کردیا جب اس نے طیب اردگان کی موجودگی میں ان سے پہلے ہی افتتاحی فیتہ کاٹ دیا۔

کہتے ہیں کہ بچے من کے سچے ہوتے ہیں ایک ایسا معصومانہ اور دلچسپ واقعہ ترکی کے صوبہ ریزے میں بھی پیش آیا جہاں مہمان خصوصی کوئی اور نہیں ملک کے صدر طیب اردگان تھے۔

غیرملکی خبر رساں ادارے کی رپورٹ کے مطابق جہاں ایک نئی شاہراہ کی سرنگ کی افتتاحی تقریب ہو رہی تھی، اس موقع پر طیب اردگان اور دیگر اعلیٰ حکومتی عہدیداروں کے علاوہ بچوں کی بڑی تعداد بھی شریک تھی۔

تقریب کے دوران ترک صدر نے بچی کو دو بار رکنے کا کہا تاہم بچی نے ایک نہ سنی اور موقع پاتے ہی ربن کاٹ دیا۔ ترک صدر کے ساتھ یہ پہلی بار نہیں ہوا کہ وہ افتتاحی تقریب میں گئے ہوں اور کسی نے ان سے پہلے فیتہ کاٹ دیا ہو، اس سے پہلے بالکل ایسی ہی شرارت ایک بچے نے کی تھی۔

بچے نے فیتہ کاٹا اور اس کے دونوں سرے ہاتھوں سے تھام لیے تھے، طیب اردگان نے بچے سر پر پیار سےدھول لگائی۔ اس کے بعد افتتاح کو منصوبہ بندی کے مطابق مکمل کرنے کے لئے نیا فیتہ لگایا گیا۔