:اور ہر طرح کے
جامعہ ضیاء العلوم کنڈلور میں اللجنۃ الثقافیہ کی ا ... غزہ میں جاری جارحیت پر اسرائیلی حکومت کے اندر اخت ... جنوبی افریقہ کی رفح میں اسرائیلی جارحیت روکنے کی ... عالمی عدالت رفح پر اسرائیلی حملے روکنے کا حکم دے: ... کرناٹک کے ان اضلاع میں ہوگی آج کڑک اور گرج کے سات ... غزہ: القسام بریگیڈز نے اسرائیلی فوج کی سپلائی لائ ... بھٹکلی طلبہ کی گلف میں شاندار کامیابی ، محمد ایم ... عرب لیگ کے 33 ویں سربراہی اجلاس کے اعلامیے میں کیا ...
:اور ہر طرح کے
جامعہ ضیاء العلوم کنڈلور میں اللجنۃ الثقافیہ کی ا ... غزہ میں جاری جارحیت پر اسرائیلی حکومت کے اندر اخت ... جنوبی افریقہ کی رفح میں اسرائیلی جارحیت روکنے کی ... عالمی عدالت رفح پر اسرائیلی حملے روکنے کا حکم دے: ... کرناٹک کے ان اضلاع میں ہوگی آج کڑک اور گرج کے سات ... غزہ: القسام بریگیڈز نے اسرائیلی فوج کی سپلائی لائ ... بھٹکلی طلبہ کی گلف میں شاندار کامیابی ، محمد ایم ... عرب لیگ کے 33 ویں سربراہی اجلاس کے اعلامیے میں کیا ...
:23مئی2021 (فکروخبر/ذرائع)ریاست اترپردیش کے ضلع بارہ بنکی میں مسجد معاملے پر وزیراعلیٰ یوگی آدتیہ ناتھ کی ہدایت پر حکومتی سطح پر ایک تین رکنی جانچ کمیٹی تشکیل دی گئی ہے، جو سرکاری املاک پر غیر قانونی طریقے سے تعمیرات کرنے اور اس کے تعلق سے ریکارڈ کی بنیاد پر وقف بورڈ کے ذریعے رجسٹریشن کرائے جانے کے تعلق سے جانچ کرے گی۔
اسپیشل سیکریٹری اقلیتی فلاح و بہبود اور وقف شیوکانت دویویدی کی صدارت میں یہ کمیٹی 15 دن میں اپنی جانچ رپورٹ حکومت کو سونپے گی۔
حکومت کی طرف سے جاری کردہ آرڈر
ڈی ایم ڈاکٹر آدرش سنگھ نے ٹویٹ کے ذریعے اطلاع دی کہ رام سنیہی گھاٹ تحصیل احاطہ کے معاملے میں سرکاری املاک پر غیرقانونی طریقے سے تعمیرات کرنے اور اس سلسلے میں فرضی ریکارڈ کی بنیاد پر رجسٹریشن کرائے جانے کی سرکاری سطح پر تین رکنی جانچ کمیٹی تشکیل دی ہے۔
اقلیتی فلاح و بہبود اور وقف ڈپارٹمنٹ کے اسپیشل سیکریٹری شیوکانت دویویدی کی صدارت میں اقلیتی فلاح و بہبود لکھنؤ ڈویژن کے ڈپٹی ڈائریکٹر راہل گپتا اور اقلیتی فلاح و بہبود ایودھیا ڈویژن کے ڈپٹی ڈائریکٹر اس معاملے کی جانچ کریں گے اور 15 دن میں جانچ رپورٹ سونپیں گے۔
ڈی ایم کا ٹویٹ
غورطلب ہے کہ الہٰ آباد ہائی کورٹ نے اتر پردیش حکومت کو ہدایت دیتے ہوئے کہا تھا کہ ریاست میں 2011 کے بعد تعمیر کردہ غیر قانونی مذہبی مقامات کو فوری طور پر ہٹادیا جائے اور 2011 کے پہلے کی تعمیرات کو منتظمین کسی دوسری جگہ پر منتقل کر کے تعمیر کرائیں۔ اس کے بعد سے ہی انتظامیہ مسلمانوں کے مذہبی مقامات کو نشانہ بنا رہی ہے۔
اسی کا فائدہ اٹھاتے ہوئے بارہ بنکی ضلع انتظامیہ نے تحصیل رام سنیہی گھاٹ کے احاطے میں واقع قدیم مسجد کو گزشتہ دو شنبہ کی دیر رات منہدم کر دیا اور اس کا ملبہ مختلف دریاؤں میں بہا دیا۔
وہیںمسلم پرسنل لا بورڈ نے مسجد شہید کئے جانے پر شدید مذمت کرتے ہوئے مسجد کو اسی مقام پر دوبارہ تعمیر کرنے کا حکومت سے مطالبہ کیا ہے ، مولانا خالد سیف اللہ رحمانی ( کارگزار جنرل سکریٹری آل انڈیا مسلم پرسنل لا بورڈ) نے کہا تھا کہ یہ مسجد جو مسجد غریب نواز کے نام سے جانی جاتی ہے، سوسالہ قدیم مسجد ہے اور اتر پردیش سنی وقف بورڈ میں اس کا اندراج ہے، اس مسجد کے سلسلہ میں کسی قسم کا کوئی فرقہ وارانہ اختلاف بھی نہیں ہے، مارچ کے مہینہ میں ایس ڈی او ( رام سنیہی گھاٹ) نے مسجد کمیٹی سے مسجد کی اراضی سے متعلق کاغذات طلب کئے تھے، نوٹس کے خلاف ہائی کورٹ سے رجوع کیا گیا اور کورٹ نے ۱۸ مارچ سے پندرہ دن کے اندر جواب داخل کرنے کی مہلت دی ، جس کے بعد یکم اپریل کو جواب داخل کردیا گیا لیکن اس کے باوجود بغیر کسی اطلاع کے یکطرفہ طور پرضلع افسران نے یہ ظالمانہ قدم اٹھایا، اس لئے ہمارا مطالبہ ہے کہ حکومت مسجد کے ملبہ کو وہاں سے منتقل کرنے کی کاروائی کوروکے ، جوں کی توں حالت برقراررکھے مسجد کی زمین پر کوئی دوسری تعمیر کرنے کی کوشش نہ کی جائے ، جن افسران نے اس غیر قانونی حرکت کا ارتکاب کیا ہے ان کو معطل کیا جائے اور ہائی کورٹ کے کسی برسرکار جج کے ذریعہ اس واقعہ کی تحقیق کرائی جائے، نیز حکومت کا فرض ہے کہ وہ اسی جگہ پرمسجد تعمیر کرا کے مسلمانوں کے حوالہ کرے۔
Fajr | فجر | |
Dhuhr | الظهر | |
Asr | عصر | |
Maghrib | مغرب | |
Isha | عشا |