:اور ہر طرح کے
مینڈک پر ظلم ڈھانے پر اسرائیلی قیدی کو سزا لیکن فل ... چلتی بس پر ڈرائیورکو سینے میں شدید درد کی شکایت ، ... بولیویا میں فوج نے کردی بغاوت توصدرنے چل دیا ماسٹ ... حماس کے جال میں پھر پھنس گئے اسرائیلی فوجی ... اسرائیلی وزیرکا فلسطینی قیدیوں کے لئے خوراک میں ک ... مدھیہ پردیش :گائے ذبیحہ کے الزام میں دو افراد کے م ... کرناٹک : وزیر اعلیٰ سدارامیا وزیر اعظم سمیت دیگر و ... پتور میں ایک مکان پر چہاردیواری گرگئی، سورہے بچے ...
:اور ہر طرح کے
مینڈک پر ظلم ڈھانے پر اسرائیلی قیدی کو سزا لیکن فل ... چلتی بس پر ڈرائیورکو سینے میں شدید درد کی شکایت ، ... بولیویا میں فوج نے کردی بغاوت توصدرنے چل دیا ماسٹ ... حماس کے جال میں پھر پھنس گئے اسرائیلی فوجی ... اسرائیلی وزیرکا فلسطینی قیدیوں کے لئے خوراک میں ک ... مدھیہ پردیش :گائے ذبیحہ کے الزام میں دو افراد کے م ... کرناٹک : وزیر اعلیٰ سدارامیا وزیر اعظم سمیت دیگر و ... پتور میں ایک مکان پر چہاردیواری گرگئی، سورہے بچے ...
:16مارچ2021(فکروخبرنیوز/ذرائع)اتر پردیش شیعہ وقف بورڈ کے سابق چیئرمین وسیم رضوی کا سر کاٹنے والے کو مبینہ طور پر 11 لاکھ روپے انعام دینے کا اعلان وکیل امیرالحسن نے کیا ہے۔ اس اعلان کے بعد امیرالحسن کے خلاف ایف آئی آر درج کی گئی ہے۔ دراصل وسیم رضوی نے سپریم کورٹ میں ایک عرضی داخل کر قرآن سے ایسی 26 آیتوں کو ہٹانے کا مطالبہ کیا ہے جو ان کے مطابق ’دہشت گردی اور جہاد‘ کو فروغ دینے والے ہیں۔ اس مطالبہ کو ضلع بار ایسو سی ایشن کے سابق سربراہ امیرالحسن زیدی نے مسلم طبقہ کے مذہبی اعتقاد کو ٹھیس پہنچانے والا قرار دیا۔ ساتھ ہی امیرالحسن نے 13 مارچ کو سول لائن علاقے کے آئی ایم اے ہال میں منعقد ایک تقریب میں رضوی کا سر قلم کر کے لانے والے کو 11 لاکھ روپے کا انعام دینے کا اعلان بھی کر ڈالا۔ ان کی اس تقریر کا ویڈیو اب سوشل میڈیا پر تیزی کے ساتھ وائرل ہو رہا ہے، اور اس کے پیش نظر ان کے خلاف ایف آئی آر بھی درج کر لی گئی ہے۔
امیرالحسن کے قابل اعتراض بیان پر نوٹس لیتے ہوئے ان کے خلاف تعزیرات ہند کی دفعہ 505(2) اور 506 کے تحت ایف آئی آر درج کی گئی ہے۔ یہ معاملہ سب انسپکٹر کپل کمار کی شکایت پر درج کیا گیا ہے۔ مراد آباد کے اے ایس پی امت کمار آنند نے کہا کہ جانچ کے دوران ملے ثبوتوں کی بنیاد پر ضروری کارروائی کی جائے گی۔ علاوہ ازیں پولس کو ابھی امیرالحسن کا بیان درج کرنا ہے۔ ساتھ ہی ان کی تقریر کی سی ڈی بھی فورنسک سائنس لیباریٹری میں جانچ کے لیے بھیجی جائے گی۔ یہاں قابل ذکر ہے کہ وسیم رضوی کے ذریعہ مفاد عامہ عرضی سپریم کورٹ میں داخل کیے جانے کے بعد سے ہی اتر پردیش ہی نہیں بلکہ پورے ملک میں ان کے خلاف احتجاجی مظاہرہ کا سلسلہ شروع ہو گیا ہے۔ بی جے پی کے کئی لیڈروں نے بھی وسیم رضوی کی اس حرکت کو ناقابل قبول قرار دیا ہے۔
Fajr | فجر | |
Dhuhr | الظهر | |
Asr | عصر | |
Maghrib | مغرب | |
Isha | عشا |