:03 مارچ2021(فکروخبرنیوز/ذرائع)کانگریس کے سابق صدر راہل گاندھی نے آج مشہور کورنیل یونیورسٹی کے پروفیسر کوشک بسو سے ویڈیو کانفرنسنگ کے ذریعہ گفتگو کی اور ہندوستان کی موجودہ صورت حالات کے ساتھ ساتھ مختلف مسائل پر اپنے خیالات کا اظہار کیا۔ پروفیسر کوشک سے بات چیت کےد وران راہل گاندھی نے سابق وزیر اعظم اندراگاندھی کے ذریعہ لئے گئے ایمرجنسی کے فیصلہ کو بھی غلطی قراردیا ،انہوں نے کہا کہ اس خود ان کی دادی بھی اسے بڑی غلطی تصور کرتی تھیں ، ساتھ انہوں نے کہا کہ اس وقت کے حالات اور موجودہ حالت میں بہت زیادہ فرق ہے ، آج  کہا کہ ’’ملک کے سبھی بڑے اداروں میں ایک سوچ کے لوگوں کو بھرا جا رہا ہے جو ہندوستان کے لیے نقصاندہ ہے۔ سبھی بڑے اداروں پر آر ایس ایس کا قبضہ ہوتا جا رہا ہے۔‘‘

موجودہ سیاسی حالات پر تبصرہ کرتے ہوئے راہل گاندھی نے کہا کہ ’’آج اپوزیشن لیڈروں کو بولنے سے روکا جا رہا ہے، انھیں آواز نہیں اٹھانے دیا جا رہا۔ لوک سبھا میں اگر (حکومت کے خلاف کچھ بھی) بولا جاتا ہے تو مائک بند کر دیا جاتا ہے۔‘‘ انھوں نے مزید کہا کہ ’’ہندوستان میں آج صرف تاریخ کی باتیں ہو رہی ہیں۔ حکومت مستقبل کی بات کرنا پسند نہیں کر رہی۔ اگر ملک کو ترقی کی راہ پر گامزن کرنا ہے تو آپ کو پرانی باتوں کو یاد نہیں کرنا چاہیے بلکہ مستقبل کے بارے میں سوچنا چاہیے۔‘‘

پروفیسر کوشک سے بات چیت کرتے ہوئے راہل گاندھی نے نوٹ بندی اور جی ایس ٹی کے تعلق سے بھی مودی حکومت کی پالیسیوں کی مذمت کی۔ انھوں نے کہا کہ ’’مودی حکومت کے ذریعہ لیے گئے نوٹ بندی اور جی ایس ٹی جیسے فیصلوں سے ملک کی معیشت بری طرح تباہ ہوئی۔ ان فیصلوں سے ملک کے چھوٹے کاروباری برباد ہو گئے، اور اب حکومت کسانوں کو نشانہ بنا رہی ہے۔‘‘