نئی دہلی:30جون2020(فکروخبر/ذرائع) لداخ کے وادی گولان میں بھارت۔ چین سرحدی نتازع کے درمیان مرکزی حکومت نے 59 چینی ایپز پر پابندی عائد کردی ہے۔ اس میں ٹک ٹاک (TikTok Apps) اور یوسی براوزر (UC Browser) جیسے ایپز شامل ہیں۔ مرکزی حکومت نے یہ قدم ایک ایسے وقت میں اٹھایا ہے جب وادی گولان پر سرحدی تنازع کم ہونے کا نام نہیں لے رہا ہے۔ گزشتہ 15 جون کو سرحدی تنازع میں بھارتی فوج کے تقریباً 20 جوان ہلاک ہوگئے تھے، جبکہ 70 جوانوں کو سنگین چوٹ لگی تھی۔

حکومت نے سیکورٹی تحفظ کا حوالہ دیتے ہوئے ان ایپز پر پابندی عائد کی ہے۔ ایک بیان میں کہا ہے کہ' ہمارے پاس دستیاب اطلاعات کے مطابق یہ ایپز کچھ ایسی سرگرمیوں میں ملوث ہیں جو بھارت کے تحفظ، سیکورٹی اور پبلک کے اعتماد اور سالمیت کے لیے نقصاندہ ہیں'۔