اٹلی سے 211 طلبا سمیت 218 ہندوستانی شہریوں کی واپسی

:15 مارچ2020 (فکروخبر/ذرائع)کورونا وائرس سے متاثر ہ اٹلی سے 218 ہندوستانی شہری آج یہاں پہنچ گئے جنہیں انڈو تبتین بارڈر پولیس (آئی ٹی بی پی) کے چھاولا میں واقع خصوصی کیمپ میں ٹھہرایا گیا ہے ۔وزیر مملکت برائے خارجہ وی مرلی دھرن نے یہاں نامہ نگاروں سے کہا کہ اٹلی کے میلان سے 211 طلباء سمیت 218 ہندوستانی شہریوں کو لے کر خصوصی طیارے دہلی آ چکا ہے ۔ ان تمام لوگوں کو 14 دن کے لئے كرنطینہ میں رکھا جائے گا ۔

مرلی دھرن نے یہ بھی کہا کہ جہاں کہیں بھی ہندوستانی شہری پھنسے ہوئے ہیں، حکومت ان محفوظ نکالنے کے لئے عہد بندہے ۔ دہلی کے اندرا گاندھی بین الاقوامی ہوائی اڈے سے آئی ٹی بی پی کی بسوں میں انہیں چھاولا میں واقع خصوصی کیمپ لے جایا گیا۔