اسرائیلی انتخابات،نیتین یاہو کا سیاسی اتحاد پسندیدہ قرار

اسرائیل میں آج  ہونے والے پارلیمانی ا نتخابات میں وزیر اعظم بن یامین نیتن یاہو کے سیاسی اتحاد کو پسندیدہ  قرار دیا جا رہا ہے۔

واضح رہے کہ  وہ ایک سال کے عرصے کے دوران تیسری مرتبہ اس منصب کے لیے میدان میں اتریں گے۔گزشتہ دو انتخابات میں ان کا اتحاد قطعی اکثریت حاصل کرنے میں کامیاب نہیں ہو سکا تھا۔

آج ہونے والے  انتخابات  کو نیتن یاہو کی پالیسیوں پر ایک عوامی ریفرنڈم کا نام بھی دیا جا رہا ہے لیکن عوامی جائزوں کے مطابق اسرائیلی  رائے دہندگان   تاحال تقسیم کا شکار ہیں۔  

یاد رہے کہ ان انتخابات  کے2 ہفتے بعد ہی نیتن یاہو کے خلاف بدعنوانی کے الزامات میں عدالتی کارروائی شروع ہو جائے گی۔