سوشل میڈیا پر اسلام مخالف تحریک کے سد باب کے لئے علماء سنجیدہ کوشش کریں

مئو:20اکتوبر2019(فکروخبر/ذرائع)سوشل میڈیا پر قرآن و حدیث کی غلط تشریح پیش کرکے اسلام کو بدنام کرنے والوں کو علما نے مستند جواب دینے کا اعلان کیاہے۔

سوشل میڈیا پر قرآن و حدیث کے بارے میں بدگمانی پھیلانے کا کام اسلام مخالف طاقتیں کثیر پیمانے پر کر رہی ہیں، جس کا مقصد مسلمانوں کے خلاف عوامی طور پر نفرت پیدا کرنا ہے۔

یہ باتیں علماء نے مئو میں دو روزہ آل انڈیا فقہ وحدیث سیمینار کے دوران کہی۔

سمینار میں مقررین نے عوام کو شرپسند عناصر سے ہوشیار رہنے کی اپیل کرتے ہوئے کہا کہ باطل طاقتیں سوشل میڈیا کا سہارا لے کر اسلام کو بدنام کرنے کی کوشش کررہی ہیں۔

مئو میں جاری دو روزہ آل انڈیا فقہ وحدیث سمینار کے دوران علما نے کہا کہ سوشل میڈیا پر اسلام مخالف تحریک جاری ہے، جس پر روک لگانے کے لیے علما کو سنجیدہ کوشش کرنے کی ضرورت ہے۔

سمینار میں علما نے سنجیدگی سے مخالفین کو انہیں کے پلیٹ فارم پر جواب دینے کا اعلان کیا ہے۔ حالانکہ یہ کوشش ابھی ابتدائی مرحلہ میں ہے، لیکن اس کی اشد ضرورت محسوس کی جا رہی ہے۔

سوشل میڈیا پر قرآن و حدیث کی غلط تشریح پیش کرنے والوں کو مستند جواب دینے کا لائحہ عمل تیار کیا جائے گا۔
علماء کے مطابق عوامی طور پر مسلمانوں کے خلاف نفرت اور تشدد میں اضافے کے مد نظر یہ اقدام کئے جارہے ہیں۔