انڈونیشیاکے سوپوتان آتش فشاں پہاڑ سے راکھ اور دھوئیں کا اخراج جاری

جکارتہ:17ڈسمبر2018(فکروخبر/ذرائع)انڈونیشیا کے جزیرے سولاویسی میں سوپوتان آتش فشاں پہاڑ نے پھر لاوا اور راکھ اگلنا شروع کردیا ۔ متعلقہ محکمے کی جانب سے جاری بیان میں کہا گیا ہے کہ ملک کے شمالی صوبے سولاویسی میں واقع سوپوتان آتش فشاں پہاڑ میں دھماکوں کے نتیجے میں پہاڑ کے دہانے سے نکلنے والے راکھ اور دھوئیں کے بادل 4 کلو میٹر کے علاقے میں پھیل رہے ہیں جبکہ یہ راکھ اور دھواں علاقے کی پروازوں کے لئے کوئی رکاوٹ پیدا نہیں کر رہا۔واضح رہے کہ پیسیفک آتشی چیمبر کی زلزلوں اور آتش فشانی بیلٹ پر واقع ملک انڈونیشیا میں 130 فعال آتش فشاں پائے جاتے ہیں۔