ادلب میں ڈاکٹروں اور نرسوں کی شامی فوج کے ممکنہ حملے کے خلاف ریلی

مظاہرین نے مارچ میں آپریشن تھیڑ کا یونیفارم پہن رکھا تھا، ہاتھوں میں پھول بھی اٹھائے ہوئے تھے
ادلب :18؍ستمبر2018(فکروخبر/ذرائع)شامی صوبے ادلب میں تین سو سے زائد ڈاکٹروں اور نرسوں نے مظاہرہ کیا۔ اس مظاہرے میں طبی عملے نے بین الاقوامی برادری سے مطالبہ کیا کہ وہ ادلب کے شہریوں کو بشارالاسد کی فورسز کی جانب سے ممکنہ حملے سے تحفظ فراہم کرے۔عرب ٹی وی کے مطابق مظاہرین نے اس مارچ میں آپریشن تھیڑ کا یونیفارم پہن رکھا تھا، جب کہ ہاتھوں میں پھول بھی اٹھائے ہوئے تھے۔ یہ مظاہرہ ترک سرحد کے قریب واقعے اتمے کے ایک ہسپتال کے باہر کیا گیا۔ واضح رہے کہ حالیہ چند دنوں سے ادلب میں شامی اور روسی فورسز کی جانب سے زبردست فضائی حملے جاری ہیں۔