جنوبی کوریا نے متنازعہ جزیرہ ڈوکڈو کے قریب دو روزہ فوجی مشقوں کا آغاز کر دیا 

سیول:18؍جون2018(فکروخبر/ذرائع)جنوبی کوریا نے جاپان کی جانب سے متنازعہ بنائے گئے جزیرہ ڈوکڈو کے قریب دفاعی فوجی مشقوں کا آغاز کر دیا۔ ملکی خبررساں ادارے کے مطابق سیول کی وزارت دفاع کے ترجمان شوئی ہیون سو نے بتایا کہ ڈوکڈو جزیرہ جو کہ اندرونی فورسز کے حملے کے بعد سے جنوبی کوریا کا علاقہ ہے کے دفاع میں باقاعدگی سے کی جانے والی دفاعی فوجی مشقوں کا معمول کے مطابق آغاز کر دیا گیا ہے ۔ انہوں نے کہا کہ دو روزہ مشقوں میں بحری ، میرین کارپس اور ساحلی دستے حصہ لے رہے ہیں انہوں نے کہا کہ مشقوں کے دوران چھ جنگی جہاز اور سات طیارے متحرک کردار ادا کریں گے ۔ واضح رہے چٹانوں پرمشتمل جزیرہ ڈوکڈو جاپان اور جنوبی کوریا کے درمیان متنازعہ علاقہ ہے ۔