عام شہری تشدد کی لپیٹ میں آکر اپنی جانیں گنوا رہے ہیں ۔۔محبوبہ مفتی

وزیر اعلیٰ نے کہا کہ تشدد برپا ہونے کے بعد عام شہری اس کی لپیٹ میں آتے ہیں جس کی وجہ سے ان کی جانیں ضائع ہو رہی ہے ۔انہوں نے کہا کہ تشدد کسی بھی مسئلے کا حل نہیں ہے اور لوگوں کو چاہیے کہ وہ تشدد سے اجتناب کریں اور مسائل کو پُر امن طریقے سے حل کرنے کیلئے آگے آئیں ۔ انہوں نے بٹہ مرن شوپیاں میں پیش آئے واقعے کو ناقابل برداشت قرار دیتے ہوئے کہا کہ جواں سال خاتون کی ہلاکت سے اس بات کی عکاسی ہو تی ہے کہ حالات کو جان بوجھ کر درہم برہم کرنے کی کوشش کی جارہی ہے ۔ انہوں نے کہا کہ حالات کو بہتر بنانے کیلئے لوگوں کو اپنا تعاون سرکار کو دینا چاہیے نہ کہ تشدد برپا کر کے امن و امان کو درہم برہم کرنے کیلئے اپنی خدمات انجام دیں ۔