بھٹکل : منی بس اور بائک کے درمیان تصادم میں نوجوان زخمی

فکروخبر کے مطابق یہ نوجوان اپنی موٹر سائیکل پر سوار شمس الدین سرکل کی جانب آرہا تھا کہ اسی دوران ایک تیز رفتار منی بس نے اسے ٹکر ماردی ،ٹکر کے نتیجہ میں نوجوان کے پیر شدید زخمی ہوگئے ہیں ،جائے حادثہ پر موجود زین نامی نوجوان نے زخمی کو سرکاری اسپتال پہونچانے میں مدد کی ،سرکاری اسپتال میں ابتدائی طبی امداد بہم پہونچانے کے بعد اسے کنداپور اسپتال منتقل کیا گیا ہے ،اطلاع ملتے ہی پولس نے جائے حادثہ پر پہونچ کرمنی بس اورڈرائیور کو تحویل میں لے لیا ہے ،عینی شاہدین کے مطابق تیز رفتاری سڑک حادثہ کی وجہ مانی جارہی ہے۔