مسلم خلیج شراوتی کونسل کا شاندار تعلیمی ایوارڈ پروگرا م کا انعقاد

انہوں نے اپنے خطاب میں تعلیمی میدان میں مسلمانوں کے تناسب کا تذکرہ کرتے ہوئے کہا کہ اکثر مسلم طلباء ڈراب آؤٹ ہوجاتے ہیں جس سے ایک بڑا طبقہ اعلیٰ تعلیم حاصل نہیں کررہاہے جس کا سب سے بڑا علاج یہ ہے کہ ہم تعلیم پر پوری توجہ مرکوز کریں ۔ مولانا نے مزید کہا کہ بچے قیمتی کوہِ نور ہیرے کے مانند ہیں جو ٹوٹنے کے بعد بے قیمت بن جاتا ہے بالکل اسی طرح بچوں کے جذبات اور تعلیمی میدان میں ان کی ہمت افزائی نہ کرنے کی وجہ سے وہ ٹوٹ جاتے ہیں اور تعلیمی میدان میں آگے بڑھنے کے خواب چکنا چور ہوجاتے ہیں۔ مولانا نے بچوں کے تعلیمی میدان کا انتخاب ان کی ذہانت اور قابلیت کو دیکھتے ہوئے کرنے کا مشورہ دیتے ہوئے سرپرستوں سے اپیل کی کہ بچوں کے لیے کسی بھی طرح کے ایسے الفاظ کا استعمال نہ کریں جس سے ان کی جذبات کو ٹھیس پہنچتی ہو۔ اس موقع پر شراوتی کونسل کے صدر خواجہ ابکار نے بھی اپنے خیالات کا اظہار کرتے ہوئے قوم کے نونہالوں کو مزید تعلیمی میدان میں آگے بڑھنے کی نصیحت کی۔جلسہ میں امتیازی نمبرات حاصل کرنے والے طلباء وطالبات کو ایوراڈ سے نوازا گیا۔ ملحوظ رہے کہ جلسہ کا آغاز تلاوت کلام پاک سے ہوا، جس کے بعد نعت شریف پیش کی گئی ۔ کونسل کی رپورٹ جناب مظفر صاحب نے پیش کی اور نظامت کے فرائض مولانا سراج ندوی اور جناب شمعون نے بحسنِ خوبی انجام دئیے۔ اسٹیج پر رابطہ سوسائٹی بھٹکل کے جنرل سکریٹری جناب یونس قاضیا ودیگر مہمانان موجود تھے۔