بھٹکل اہم شاہراہ توسیعی مرحلہ میں نیا موڑ

انہوں نے مطالبہ کیا کہ حال ہی میں اہم شاہراہ توسیعی معاملہ میں یہ بات گردش کررہی ہے کہ شمس الدین سرکل کے قریب اہم شاہراہ کی توسیع اسی تا پچاسی میٹر ہوگی جس کی وجہ سے یہاں موجود اراضی اور کامپلیکس کو شدید نقصان پہنچ رہا ہے۔ مجلس اصلاح وتنظیم کی جانب سے پیش کی گئی یادداشت میں اس بات کا مطالبہ کیا گیا کہ اہم شاہراہ شہر کے بیچوں بیچ سے نکالنے کے بجائے بائی پاس کیا جائے تاکہ مکینوں کا کسی طرح کا بھی نقصان نہ ہو۔ یادداشت میں یہ بھی کہا گیا ہے کہ یہاں کے عوام آپس میں محبت کے ساتھ رہتے آرہے ہیں اور اہم شاہراہ توسیعی مرحلہ کو لے کر ان کے درمیان ان بن ہونے کے امکانات بھی ہیں۔مزید کہا گیا کہ اس کی وجہ سے بہت سے لوگ اپنی نوکریوں سے ہاتھ دھو بیٹھیں گے۔ تنظیم کی قیادت میں اس بات کا بھی مطالبہ کیا گیا کہ بائی پاس نہ کرنے کی صورت میں فلائی اوور عثمان نگر سے حنیف آباد تک کیا جائے اور اس کے نیچے سرویس روڈ بھی بنایا جائے ۔ ملحوظ رہے کہ اس سے قبل یہ بات عوام کے درمیا ن گردش کررہی تھی کہ بائی پاس نہیں ہوگا اور اہم شاہراہ شہر کے بیچوں بیچ ہی سے نکالی جائے اور فلائی اوور دو کلومیٹر کا تعمیر کیا جائے گا ، دوسری جانب فلائی اوور کو لے کر یہ بھی کہا جارہا ہے کہ فلائی اوور صرف ایک ہی کلومیٹر تعمیر کیا جائے گا۔ لیکن اب تنظیم کی جانب سے پیش کیے گئے میمورنڈم سے اہم شاہراہ توسیعی معاملہ نے پھر ایک بار نیا موڑ اختیار کرچکا ہے ۔ واضح رہے کہ اس سے قبل ایک احتجاج کے ذریعہ بائی پاس نہ ہونے کی بات بھی کہی جاچکی ہے۔