ಇಂದು ಭಟ್ಕಳ ಸಂದರ್ಶಿಸಿದ ಬ್ರಿಟಿಷ್ ಡೆಪ್ಯೂಟಿ ಕಮಿಷ್ನರ್ ಡೊಮಿನಿಕ್ ಮ್ಯಾಕ್ ಅಲಿಸ್ಟರ್

ಭಟ್ಕಳ: 29 ಜನುವರಿ (ಫಿಕ್ರೋಖಬರ್ ಸುದ್ದಿ) ಭಟ್ಕಳದ ಅಬುಲ್ ಹಸನ್ ಅಲಿ ನದ್ವಿ ಅಕ್ಯಾಡೆಮಿ ಅವರ ಆಹ್ವಾನದ ಮೇರೆಗೆ ಇಂದು ಬೆಳಿಗ್ಗೆ ಬ್ರಿಟಿಷ್ ದೇಶದ ರಾಯಭಾರಿಗಳಾದ ಡೊಮಿನಿಕ್ ಮ್ಯಾಕ್ ಅಲಿಸ್ಟರ್ ಅವರು ಭಟ್ಕಳದ ವಿವಿಧ ಶಿಕ್ಷಣ ಸಂಸ್ಥೆಗಳಿಗೆ ಬೇಟಿ ಕೊಟ್ಟು ಇಲ್ಲಿ ಹಿಂದೂ ಮುಸ್ಲಿಮರಲ್ಲಿರುವ ಅನ್ಯೋನ್ಯತೆಯನ್ನು ಕಂಡು ಕೊಂಡಾಡಿದರು. ಡೊಮಿನಿಕ್ ಅವರು ಭಟ್ಕಳದ ಅಬುಲ್ ಹಸನ್ ಅಲಿ ನದ್ವಿ ಅಕ್ಯಾಡೆಮಿ ಅವರ ಆಹ್ವಾನವನ್ನು ಸ್ವೀಕರಿಸಿ ಹುಬ್ಬಳ್ಳಿಯಿಂದ ಬಂದಿದ್ದರು. ಅಬುಲ್ ಹಸನ್ ಅಕ್ಯಾಡೆಮಿಗೆ ತೆರಳಿ ಅಲ್ಲಿ ನಡೆಯುತ್ತಿರುವ ಕಾರ್ಯ ಚಟುವಟಿಕೆಗಳನ್ನು ಕಂಡು ಹೊಗಳಿದರು. ವಿಶ್ವದ ಹಲವು ಕಡೆ ಅಬುಲ್ ಹಸನ್ ಅಕ್ಯಾಡೆಮಿಯು ಮಾನವಕುಲವನ್ನು ಒಗ್ಗೂಡಿಸುವ ಕಾರ್ಯ ನಡೆಸುತ್ತಿದ್ದು, ಇದನ್ನು ಪರಿಶೀಲಿಸಿದ ಡೊಮಿನಿಕ್ ಅವರು ಸಂತುಷ್ಟಗೊಂಡರು. ನಂತರ ಇಲ್ಲಿಯ ಜಾಮಿಯಾ ಇಸ್ಲಾಮಿಯಾ ಅರೇಬಿಕ್ ಶಾಲೆ, ಅಲಿ ಪಬ್ಲಿಕ್ ಶಾಲೆ ಹಾಗೂ ಅಂಜುಮನ್ ಸಂಸ್ಥೆಗೆ ಭೇಟಿ ನೀಡಿ, ಇಲ್ಲಿ ಸಮುದಾಯದ ಅಭಿವೃದ್ಧಿಗಾಗಿ ನಡೆಯಬೇಕಾದ ಕೆಲಸಗಳು ಬಹಳ ಉತ್ತಮ ರೀತಿಯಲ್ಲಿ ನಡೆಯುತ್ತಿದೆ ಎಂದು ಹೇಳಿದರು.