ریاض : 29/ڈسمبر/2021(فکروخبر/ذرائع)سعودی عرب میں گاڑیوں کی منفرد نمبر پلیٹ کی آن لائن نیلامی میں ایک نمبر پلیٹ 6 لاکھ 20 ہزار ریال میں نیلام ہوئی، یہ اپنی نوعیت کا نیا ریکارڈ ہے۔

سعودی ذرائع ابلاغ کے مطابق ابشر پلیٹ فارم نے گزشتہ دنوں گاڑیوں کی آن لائن منفرد پلیٹس کی نیلامی جیتنے والوں کے نام جاری کردیے۔

ابشر کے ٹویٹراکاؤنٹ پر نیلامی میں مختلف زمروں سے تعلق رکھنے والوں کے نام دیے ہیں جنہوں نے نیلامی میں حصہ لیا تھا اور سب سے بڑی بولی پر منفرد نمبر پلیٹ ان کے نام کردیے گئے۔

ڈائمنڈ گروپ میں سب سے بڑی نیلامی 6 لاکھ 20 ہزار ریال میں طے پائی جبکہ گولڈن گروپ میں دو نمبر پلیٹس اعلیٰ ترین رقم پر نیلام ہوئیں۔

ان میں سے ایک دو لاکھ 60 ہزار ریال اور دوسری 66 ہزار ریال میں طے پائی، جہاں تک سلور گروپ کا تعلق ہے تو اس کی نیلامی کا فیصلہ سات افراد کے حق میں ہوا، ان کی قیمتیں 58.5 ہزار اور 29.5ہزار ریال کے درمیان رہیں۔

ARY News Urdu