English   /   Kannada   /   Nawayathi

پیاز کی بڑھتی قیمتوں سے دہلی سرکار دے گی عوام کو راحت،کیجروال کا ایک اور بڑا اعلان

share with us

نئی دہلی :24/ ستمبر 2019(فکروخبر/ذرائع)پیاز کی قیمتیں لگاتار بڑھتی جا رہی ہیں اور دہلی میں کئی مقامات پر تو پیاز 60 روپے کلو سے بھی مہنگی ہے۔ پیاز کی اس مہنگائی کو دیکھتے ہوئے دہلی کی کیجریوال حکومت نے ایک بڑا قدم اٹھانے کا منصوبہ تیار کیا ہے۔ حکومت نے عوام کو راحت دینے کے لیے 24 روپے فی کلو پیاز دینے سے متعلق سوچ رہی ہے۔ میڈیا ذرائع سے مل رہی خبروں کے مطابق آئندہ 10 دنوں میں سستی شرح پر پیاز کی فروخت شروع ہو جائے گی۔ گزشتہ کچھ مہینوں میں دہلی کے باشندوں کو وزیر اعلیٰ اروند کیجریوال کئی خوشخبری دے چکے ہیں اور اگر 24 روپے فی کلو پیاز کی فراہمی ہوتی ہے تو یہ بھی عوام کے لیے کسی خوشخبری سے کم نہیں ہوگی۔

وزیر اعلیٰ اروند کیجریوال نے خود میڈیا کے سامنے آ کر یہ بیان دیا ہے کہ وہ بہت جلد 24 روپے فی کلو پیاز فراہم کرنے کی تیاری کر رہے ہیں۔ انھوں نے کہا کہ ’’ہم موبائل وین کے ذریعہ 24 روپے فی کلو پیاز فروخت کرنے کی کوشش کر رہے ہیں۔ اس کے لیے ٹنڈر نکالے گئے ہیں۔‘‘ کے سبب دہلی والوں کو کافی مہنگی قیمت پر پیاز خریدنے پڑ رہی ہے۔ حالت یہ ہے کہ آزاد پور منڈی میں پیاز کی قیمت 50 روپے فی کلو ہو گئی ہے۔ یہ 2015 کے بعد سب سے اونچی سطح ہے۔ ایشیا کی سب سے بڑی پیاز منڈی مہاراشٹر کے لاسل گاؤں میں بھی پیاز 50 روپے فی کلو فروخت ہو رہی ہے۔ دہلی میں گزشتہ جمعہ کو پیاز کی آمد 1026 ٹن تھی جب کہ دہلی کا روزانہ خرچ تقریباً 3 ہزار ٹن ہے۔ ایسی صورت میں پیاز مہنگی ہونا لازمی ہے۔

قابل ذکر ہے کہ دہلی میں گزشتہ ہفتہ پیاز 57 روپے کلو فروخت ہوئی جب کہ ممبئی میں یہ 56 روپے کلو، کولکاتا میں 48 روپے کلو اور چنئی میں 34 روپے کلو تک فروخت ہوئی۔ اگر بارش کا یہی حال رہا تو نومبر تک پیاز کی قیمت کم ہونے کے کوئی آثار بھی نظر نہیں آ رہے ہیں۔ ایسے ماحول میں اگر کیجریوال حکومت 24 روپے کلو پیاز فراہم کرنے میں کامیاب ہو جاتی ہے تو یہ اس کے لیے بہت بڑی کامیابی ہوگی۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا