English   /   Kannada   /   Nawayathi

سوڈانی عوام کو ہر ممکن انسانی امداد فراہم کی جائے، شاہ سلمان

share with us

ریاض :14اپریل2019(فکروخبر/ذرائع)سعودی بادشاہ شاہ سلمان بن عبدالعزیز نے سوڈان میں اقتدار کی تبدیلی نئی حکومت کو درپیش مسائل میں فوری انسانی امداد فراہم کرنے کی ہدایت کی ہے۔

تفصیلات کے مطابق خادم الحرمین الشریفین شاہ سلمان بن عبدالعزیز نے افریقی ملک سوڈان میں طویل عوامی تحریک کے رونما ہونے والی سیاسی تبدیلی پر سوڈانی عوام کے بہتر مستقبل کےلیے مناسب فیصلے کرنے کی توقع ظاہر کی ہے۔

غیر ملکی خبر رساں ادارے کا کہنا ہے کہ شاہ سلمان بن عبد العزیز نے سوڈان میں بننے والی عبوری کونسل اور اس کے اقدامات کی حمایت کا اعلان بھی کیا ہے۔

خادم الحرمین الشریفین کا کہنا تھا کہ سوڈان کی نئی فوجی حکومت ملک کے امن و استحکام اور دوست ملک کو مضبوط بنانے کےلیے مددگار ثابت ہوگی۔

عرب خبر رساں ادارے کے مطابق سعودی حکومت کی جانب سے جاری بیان میں کہا گیا ہے کہ سعودیہ اور سوڈان کے تمام شعبوں میں دوستانہ تعلقات تاریخی اہمیت کے حامل ہے، سعودی حکومت 30 برس بعد رونما ہونے والی سیاسی تبدیلی کے نتیجے میں بننے والی عبوری کونسل کی معاونت کا یقین دلاتی ہے۔

شاہ سلمان کا مزید کہنا تھا کہ سعودی عرب کی اولین ترجیحات میں سوڈان کا امن و استحکام شامل ہے، دوست ملک کو اندورنی بحران سے نکالنے کےلیے ہر ممکن انسانی امداد کےلیے تیار ہیں۔

خیال رہے کہ سوڈان کی فوجی کونسل کے سربراہ و وزیر دفاع عود بن عوف نے سابق آمر عمر البشیر کا تختہ الٹنے کے ایک دن بعد ہی استعفیٰ دے دیا تھا، عود ابن عوف نے اپنے فیصلے کا اعلان سرکاری ٹی وی پر کیا۔

فوجی کونسل کے سربراہ عود بن عوف نے لیفٹیننٹ جنرل عبدالفتاح عبدالرحمان برہان کو اپنا جانشین نامزد کردیا، فوج کا کہنا ہے کہ 2 سال تک اقتدار میں رہنے کے بعد انتخابات کرائے گی۔

یاد رہے کہ سوڈانی عوام گزشتہ تین مہینوں نے صدر عمر البشیر کے خلاف مظاہرے کررہے تھے جو آج رنگ لے آئے اور صدر عمر حسن البشیر صدارت سے مستعفی ہوگئے جس کے بعد انہیں فوج نے گرفتار کرکے نظر بند کردیا تھا اور وہ تاحال نظر بند ہیں۔

غیر ملکی میڈیا کا کہنا ہے کہ سوڈان میں فوج نے ملک کے انتظامی امور چلانے کے لیے جنرل عود بن عوف کی سربراہی میں ایک عبوری کونسل تشکیل دے دی ہے، جنرل عود سبک دوش ہونے والے صدر عمر البشیر کے نائب اول اور سوڈان کے وزیر دفاع ہیں۔

Prayer Timings

Fajr فجر
Dhuhr الظهر
Asr عصر
Maghrib مغرب
Isha عشا