dushwari

کیلیفورنیا :15؍نومبر2017(فکروخبر/ذرائع) امریکی ریاست کیلیفورنیا کے اسکول میں فائرنگ سے 3 افراد جاں بحق اور دو طالب علم زخمی ہو گئے ہیں جب  کہپولیس نے جوابی کارروائی میں ملزم کو ہلاک کردیا.تفصیلات کے مطابق فائرنگ کا واقع صبح اس وقت پیش آیا جب طالب علم اسکول پہنچ رہے تھے اس دوران نا معلوم شخص نے اسکول میں داخل ہو کر اندھا دھند فائرنگ کردی.بین الاقوامی خبر ایجنسی کے مطابق نا معلوم ملزم کی فائرنگ سے تین افراد لقمہ اجل بن گئے جب کہ دو بچے زخمی ہوگئے

اقوام متحدہ :15؍نومبر2017(فکروخبر/ذرائع)اقوام متحدہ نے غير قانونی تارکين وطن کی يورپ آمد کو روکنے کے ليے يورپی يونين کی پاليسيوں کو غير انسانی قرار ديا ہے۔ یورپی یونین کی طرف سے بحيرہ روم کے پانیوں ميں مہاجرين کو روکنے اور انہيں ليبيا ميں قائم حراستی مراکز بھيجنے ميں طرابلس میں حکام کے ساتھ تعاون کيا جا رہا ہے۔ اقوام متحدہ کے انسانی حقوق کے کمشنر زيد رعد الحسين کے مطابق ليبيا ميں زير حراست پناہ گزينوں کو جو کچھ برداشت کرنا پڑتا ہے، وہ انسانی ضمير کے ليے شرمناک ہے۔ انہوں نے خبردار کيا کہ اس صورتحال سے مزيد خرابی پيدا ہو رہی ہے۔ الحسین نے بالخصوص اطالوی حکام پر بھی تنقید کی، جو اس سلسلے ميں طرابلس میں حکام کے ساتھ تعاون جاری رکھے ہوئے ہيں۔

منيلا :15؍نومبر2017(فکروخبر/ذرائع)ميانمار ميں روہنگيا مسلمانوں کے حوالے سے جاری بحران کے تناظر ميں منگل کو ملکی رہنما آنگ سان سوچی نے اقوام متحدہ کے سيکرٹری جنرل انٹونيو گوٹيرش اور امريکی وزير خارجہ ريکس ٹلرسن سے ملاقاتيں کیں۔ ان کی يہ ملاقاتيں منيلا ميں آسيان سربراہی اجلاس کے موقع پر ہوئيں۔ گوٹيرش نے سوچی سے کہا کہ پناہ کے ليے بنگلہ ديش ہجرت کر جانے والے لاکھوں روہنگيا باشندوں کو ميانمار واپسی کی اجازت ملنی چاہيے۔

Urdu-Arabic-Keybaord11

ISLAMIC-MESSAGES