dushwari

واشنگٹن:19؍نومبر2017(فکروخبر/ذرائع) امریکی مسلح افواج میں چار برسوں کے دوران 20 ہزار سے زائد جنسی زیادتی کے واقعات رپورٹ ہوئے ہیں۔امریکی محکمہ دفاع پنٹاگون کی جانب سے جاری کردہ رپورٹ کے مطابق 2013 سے 2016 کےدرمیان بری، بحری اور فضائی اہلکاروں پرجنسی ہراساں کرنے کے 20 ہزار سے زائدالزامات سامنے آئے۔ سب سے زیادہ کیسز امریکی فضائیہ میں رپورٹ ہوئے جن کی تعداد 8 ہزار 876 ہیں جب کہ بری فوج میں 8ہزار 294، نیوی میں 4 ہزار788 اور میرین کور میں 3 ہزار400 رپورٹ ہوئے۔

اسپین:19؍نومبر2017(فکروخبر/ذرائع)ہسپانوی حکام نے شمالی افریقہ سے بحیرہ روم کے راستے یورپ کا سفر کرنے والے مزید قریب پانچ سو تارکین وطن کو کھلے سمندر سے بچا لیا۔ یہ مہاجرین چوالیس مختلف خستہ حال کشتیوں میں سوار تھے۔ بتایا گیا ہے کہ ان میں سے ساڑھے چار سو کے قریب تارکین وطن کو بحیرہ روم کے کھلے پانیوں سے جبکہ چالیس سے زائد کو آبنائے جبرالٹر کے علاقے سے ریسکیو کیا گیا۔ ریسکیو کیے جانے کے بعد یہ تمام پانچ سو کے قریب تارکین وطن ہفتہ اٹھارہ نومبر کے روز جنوبی اسپین کے بندرگارہی شہر کارتاخینا پہنچا دیے گئے۔ بتایا گیا ہے کہ ان کشتیوں میں سے زیادہ تر نے اپنا سفر الجزائر کے ساحلی علاقوں سے شروع کیا تھا۔

بیونس آئرس:18؍نومبر2017(فکروخبر/ذرائع)ارجنٹائن میں فوجی آبدوز لاپتا ہوگئی جس میں عملے کے 44 ارکان سوار ہیں۔غیرملکی خبر رساں ادارے کے مطابق آبدوز سے آخری بار سگنل دو روز قبل جنوبی ارجنٹائن سے موصول ہوئے اس کے بعد سے ارجنٹائن نیوی کا آبدوز سے کسی قسم کا کوئی رابطہ نہیں ہوسکا۔دوسری جانب ارجنٹائن نیوی کے ترجمان نے آبدوز لاپتا ہونے کی تصدیق کرتے ہوئے بتایا کہ ہم اس بات کی تحقیقات کررہے ہیں کہ آبدوز کہاں ہے اور آبدوز کا کنٹرول روم سے رابطہ کس وجہ سے منقطع ہوا اگر رابطے میں کوئی تکنیکی خرابی آگئی ہے تو آبدوز جلد سطح آب پر نمودار ہوجائے گی۔

Urdu-Arabic-Keybaord11

ISLAMIC-MESSAGES