dushwari

سیؤل:03؍جنوری2018(فکروخبر/ذرائع) شمالی کوریا کی جانب سے مذاکرات کی دعوت قبول کرتے ہوئے جنوبی کوریا نے نو جنوری کو شمالی کوریا کے اعلیٰ حکام کو سیئول مدعو کرلیا۔نئے سال کے موقع پر شمالی کوریا نے جنوبی کوریا کو مذاکرات کی دعوت دی جسے قبول کرتے ہوئے جنوبی کوریا نے شمالی کوریا کو نو جنوری کوسیؤل میں مدعو کرلیا ہے۔جنوبی کوریا کے صدر مون جئے نے شمالی کوریا کو اعلی سطح مذاکرات کی پیش کش کردی۔مون جئے کا کابینہ اجلاس سے خطاب میں کہنا تھا کہ دونوں ممالک کے درمیان کشیدگی فوری کم کرنا چاہتےہیں۔

واشنگٹن:03؍جنوری2018(فکروخبر/ذرائع) امریکا نے پاکستان پر ایک اور الزام عائد کرتے ہوئے کہا ہے کہ پاکستان دہشت گردی کے خلاف مزید اقدامات کرسکتا ہے لیکن کر نہیں رہا، پاکستان پر دباؤ بڑھانے کے لیے جلد مزید اقدامات کریں گے۔خبر رساں ادارے رائٹرز کے مطابق سارہ سینڈرز نے نئے سال کی پہلی پریس بریفنگ میں کہا ہے کہ ہم چاہتے ہیں پاکستان دہشت گردی کے خلاف مزید اقدامات کرے اس کے لیے چند دنوں میں امریکا کی جانب سے اسلام آباد پر دباؤ بڑھانے کے لیے مزید اعلانات متوقع ہیں۔

نائیجیریا :03؍جنوری2018(فکروخبر/ذرائع)مغربی افریقہ کے ملک نائیجیریا کے شمال میں عسکریت پسند تنظیم بوکو حرام کے خلاف آپریشن میں 700 یرغمالیوں کو رہا کروا لیا گیا ہے۔نائیجیریا کی خبر رساں ایجنسی NAN کے مطابق ملک کے شمالی صوبے بورنو سے منسلک شہر مونگونو میں بوکو حرام کے خلاف آپریشن میں 700 یرغمالیوں کو رہا کروا لیا گیا ہے۔

Urdu-Arabic-Keybaord11

ISLAMIC-MESSAGES