dushwari

بنگلہ دیش کی وزیراعظم شیخ حسینہ واجد کے قتل کا منصوبہ بنانے والے 10 افراد کو سزائے موت سنادی گئی

بنگلہ دیش 21؍اگست 2017(فکروخبر/ذرائع)  بنگلہ دیش کی مقامی عدالت نے سن 2000 میں شیخ حسینہ واجد کو بم دھماکے کے ذریعے قتل کرنے کی منصوبہ بندی کرنے والے 10 افراد کو سزائے موت سنائی ہے ۔پراسیکیوٹر شمس الحق بدول نے بتایا کہ جن افراد کو سزائے موت سنائی گئی ہے وہ شیخ حسینہ واجد کو قتل کرنا چاہتے تھے۔ ان افراد نے سن 2000 میں اس مقام پر دھماکا خیز مواد نصب کیا تھا جہاں پہلی بار وزیراعظم منتخب ہونے کے بعد حسینہ واجد خطاب کرنے والی تھیں تاہم ان کامنصوبہ کامیاب نہ ہوسکا۔

کارروائی کے دوران 100 سے زائد جرائم پیشہ افراد کو گرفتار کرلیا گیا ،درجنوں خطرناک ہتھیار بھی برآمد

منیلا۔19اگست2017(فکروخبر/ذرائع ) فلپائن میں منشیات کے خلاف مہم جاری ہے۔ پولیس نے گزشتہ 24 گھنٹوں کے دوران 13 منشیات فروشوں کو ہلاک کردیا۔جرمن ریڈیو کے مطابق یہ مہم صدر ڑوڈریگو ڈوٹرٹے کے سخت احکامات کے تحت چلائی جا رہی ہے۔ اس کارروائی کے دوران 100 سے زائد جرائم پیشہ افراد کو گرفتار کرلیا گیا ہے۔

واشنگٹن۔19اگست2017(فکروخبر/ذرائع ) اس سال ٹرمپ انتظامیہ کی جانب سے امریکا میں کام کرنے کے لیے متعدد پاکستانی ڈاکٹروں کی ویزا درخواستوں کو مسترد کیا گیا ہے ۔امریکی میڈیا رپورٹس کے مطابق امریکا میں مقیم ایک پاکستانی ڈاکٹر کا کہنا تھا کہ امریکا میں کام کرنے کے لیے جے ۔ ون ویزا کی درخواست دینا ہوتی ہے ، اور اس وقت امریکا میں کام کرنیو الے ڈاکٹروں میں سے دو تہائی کا تعلق بیرون ممالک سے ہے ۔

سیاست دان، کمیونٹی رہنما اور مختلف اماموں کی شرکت،مسجد کا دورہ،بم حملے کی مذمت کی 

واشنگٹن۔10اگست2017(فکروخبر/ذرائع) ہزاروں لوگ امریکی ریاست منی سوٹا کی مسجد پرحملے کے خلاف اکٹھے ہوگئے اورمسلمانوں سے اظہاریکجہتی کیا،امریکی ٹی وی کے مطابق تقریب کا آغاز قرآن پاک کی آیات پڑھنے سے ہوا، جن میں اسلام کے پْرامن مذہب ہونے کا بیان تھا۔ سیاست داں، کمیونٹی راہنما اور اماموں نے اپنی تقاریر میں ہفتے کے روز ہونے والے بم حملے کی مذمت کی۔

ایرانی صدر روحانی کی نئی کابینہ میں ایک بھی خاتون شامل نہیں

تہران ۔09اگست2017(فکروخبر/ذرائع)اسلامی جمہوریہ ایران کے صدر حسن روحانی نے دوسری مدت صدارت کیلئے نامزد کابینہ کی حتمی منظوری کیلئے نو منتخب وزراء کے نام پارلیمنٹ(مجلس شوری)میں پیش کئی ہیں۔ پارلیمنٹ سے اعتماد کا ووٹ حاصل کرنے کے بعد کابینہ اپنا کام شروع کردے گی۔ فلسطینی میڈیا رپورٹس کے مطابق حسن روحانی نے دوسری مدت صدارت کے لیے اپنی کابینہ میں رد و بدل کیا ہے۔ قریبا نصف نئے وزرا کا تقرر کیا گیا ہے۔

مقبوضہ بیت المقدس ۔09اگست2017(فکروخبر/ذرائع)فلسطینی شہری بالخصوص مقبوضہ بیت المقدس سے تعلق رکھنے والے فلسطینی باشندے صہیونی ریاست کی ہمہ نوع پابندیوں کے باعث جن مشکل حالات کا سامنا کررہے ہیں، اس کا اندازہ اور ادراک کم سن بچوں کو بھی ہے۔ کم عمربچے بھی یہ اداراک رکھتے ہیں کہ صہیونی فلسطین پر ناجائز قابض ہیں۔ انہیں ایکنا ایک دن فلسطین سے نکلنا ہے۔

مقبوضہ بیت القدس09اگست2017(فکروخبر/ذرائع)یہودی آباد کاروں کی طرف سے مسجد اقصی پر دھاوا بدستور جاری ہے تاہم گزشتہ روز 60 انتہا پسند یہودیوں نے پولیس کی فول پروف سیکیورٹی میں مسجد اقصی کی بے حرمتی کی۔یہودی آباد کاروں نے مسجد میں گھس کر نہ صرف اشتعال انگیز نعرے لگائے بلکہ تلمودی تعلیمات کے مطابق مذہبی رسومات بھی ادا کرتے رہے۔

ڈرون کی اشتعال انگیزی پر امریکا کا شدید احتجاج

واشنگٹن۔09اگست2017(فکروخبر/ذرائع) امریکی فوج کے ایک سینیر عہدیدار نے دعویٰ کیا ہے کہ گذشتہ روز خلیجی پانیوں میں موجود امریکا کے ایک بحری جنگی بیڑے کو ایران کے بغیر پائلٹ ڈرون طیارے سے اس وقت خطرات لاحق ہوگئے جب ڈرون طیارہ بار بار وارننگ کو نظر انداز کرتے ہوئے بحری بیڑے سے محض 31 میٹر کے فاصلے پر آگیا۔

واقعہ کوئی دہشتگردی کی واردات نہیں ،مقامی لوگوں کے آپس میں جھگڑے کے باعث پیش آیا،حکام

ابوجہ۔07اگست2017(فکروخبر/ذرائع)افریقی مسلمان ملک نائجیریا کے ایک چرچ میں نامعلوم افراد کی فائرنگ سے 12 افراد ہلاک اور 18 زخمی ہوگئے۔غیر ملکی میڈیا کے مطابق جنوب مشرقی نائجیریا کے ایک چرچ میں نامعلوم مسلح افراد نے حملہ کردیا اور چرچ میں موجود لوگوں پر اندھا دھند فائرنگ کردی جس کے نتیجے میں 12 افراد ہلاک اور 18 زخمی ہوگئے۔ واقعہ اونیٹشا شہر کے قریبی علاقے اوزوبولو کے سینٹ فلپ چرچ میں پیش آیا۔

کسی کو یہ توقع نہیں کرنی چاہیے کہ ہم وہ کڑوا گھونٹ پی لیں گے ،چینی صدر

واشنگٹن۔2اگست( فکروخبر/ذرائع)چینی صدر زی جن پنگ نے حکمران کمیونسٹ پارٹی کے فوجی ونگ کی تشکیل کے90 سال پورے ہونے کے موقع پر ایک اعلامیہ جاری کیا ہے جس میں کہا گیا ہے کہ ان کا ملک اپنی سرزمین کا کوئی بھی حصہ کبھی بھی بیرونی فورسز کے حوالے نہیں کرے گا۔میڈیارپورٹس کے مطابق گزشتہ روز بیجنگ میں گریٹ ہال آف پیپل میں کمیونسٹ پارٹی کے عہدے داروں اور پیپل لبیرشن آرمی کے اعلیٰ افسروں کے ایک اجتماع سے خطاب کرتے ہوئے زی نے کہا کہ ہم کسی بھی قسم کے لوگوں، ادار ے یا سیاسی جماعت کو چینی سرحد کے کسی بھی حصے کو کسی بھی وقت، کسی بھی قسم سے ملک سے الگ کرنے کی اجازت نہیں دیں گے۔

صفحہ 1 کا 76

Urdu-Arabic-Keybaord11

ISLAMIC-MESSAGES