dushwari

عالمی ردعمل، امریکہ کا سفارت خانہ مقبوضہ بیت المقدس منتقل کرنے کا فیصلہ مؤخر

واشنگٹن:05؍ڈسمبر2017(فکروخبر/ذرائع)مقبوضہ بیت المقدس کو اسرائیل کا  دارالحکومت تسلیم کرنے کا ممکنہ فیصلہ امریکا کے گلے پڑنے لگا، امریکی صدر ڈونالڈ ٹرمپ نے القدس کو اسرائیل کا دار الحکومت قرار دینے کے متعلق اپنے فیصلے کو موخر کر دیا ہے,وائٹ ہاؤس ترجمان کا کہنا ہے کہ اس سلسلہ میں فیصلہ اگلے کچھ دنوں میں لیا جائے گا,مسلم دنیا کی سخت مخالفت کے بعد فرانسیسی صدر نے بھی ممکنہ امریکی فیصلے کی مخالفت کر دیہے۔ فرانسیسی صدر نے صدر ٹرمپ سے ٹیلی فونک بات چیت کرتے ہوئے کہا کہ انہیں امریکا کے مقبوضہ بیت المقدس کو اسرائیلی دارلحکومت تسلیم کرنے کے ممکنہ فیصلے پر تشویش ہے۔

انہوں نے کہا مقبوضہ بیت المقدس کی حیثیت فلسطین اسرائیل مذاکرات کے تحت متعین ہونی چاہیے۔فلسطین لیبریشن آرگنائزیشن کے چیف نمائندہ خصوصی نے واشنگٹن میں خبر ایجنسی کو انٹرویو دیتے ہوئے کہا کہ مقبوضہ بیت المقدس کو اسرائیل کا دارالحکومت تسلیم کرنا دو ریاستی نظریے کی موت ہو گا۔ ڈاکٹر حسام زولمٹ کا کہنا تھا کہ فیصلے کے تباہ کن نتائج نکلیں گے۔عالمی سطح پر مخالفت کے بعد امریکی سفارت خانہ منتقل کرنے کا فیصلہ کم از کم ایک دن کے لیے مؤخر ہو گیا ہے۔ وائٹ ہاؤس کے مطابق صدر ٹرمپ سفارت خانہ منتقل کرنے کا فیصلہ آنے والے دنوں میں کریں گے۔ ترجمان نے کہا امریکی صدر اس معاملے میں شروع سے بالکل واضح مؤقف رکھتے ہیں۔ 

Urdu-Arabic-Keybaord11

ISLAMIC-MESSAGES