dushwari

جاپان:22؍اکتوبر2017(فکروخبر/ذرائع)شمالی کوریا کی جانب سے بڑھتےہوئے خطرات کے تناظر میں اتوار کو جاپان میں ہونے والے قبل از وقت انتخابات کے لیے ووٹ ڈالے جا رہے ہیں۔قبلِ از وقت انتظابات کا فیصلہ وزیرِ اعظم شنزو آبے نے ملک کے سوشل سیکورٹی کے نظام کو دوبارہ متوازن کرنے کے پیش نظر مینڈیٹ حاصل کرنے کے لیے کیا تھا۔مقامی وقت کے مطابق پولنگ صبح سات بجے سے رات آٹھ بجے تک جاری رہے گی۔اگر ان انتخابات میں صدر آبے دوبارہ منتخب ہو جاتے ہیں تو وہ جنگ کے بعد جاپان کے سب سے زیادہ مدت تک حکمرانی کرنے والے رہنما بن جائیں گے۔

لندن:21؍اکتوبر2017(فکروخبر/ذرائع)روہنگیا مسلمانوں پر ڈھائے جانے والے مظالم کے خلاف آواز نہ آٹھانے والی آنگ سانگ سوچی کا نام اب آکسفورڈ کے کالج سے بھی ہٹا دیا گیا ہے۔یونی ورسٹی کے کالج سینٹ ہیوز کے طلبہ آنگ سانگ سوچی کی جانب سے روہنگیا مسلمانوں پر جاری مظالم کے خلاف آواز نہ اٹھانے پر خاموش نہیں بیٹھے ۔ آکسفورڈ کے طلبہ نے سوچی کا نام اپنے کالج کے کامن روم سے احتجاجا ہٹا دیا۔ میانمار کی نوبل انعام یافتہ رہنما آنگ سانگ سوچی کا نام ہٹانے کیلئے باقائدہ طلبہ کی جانب سے ووٹنگ کی گئی، جس میں زیادہ تر طالب علموں نے سوچی کے خلاف ووٹ ڈالا جس کے بعد ان کا نام کامن روم سے ہٹادیا گیا۔

مڈغاسکر:21؍اکتوبر2017(فکروخبر/ذرائع)افریقی ملک مڈغاسکر میں طاعون کی وبا سے ہلاکتوں کی تعداد چورانوے تک پہنچ گئی ہے۔ اقوام متحدہ کے صحت کے ادارے سے منسلک افریقی ہنگامی صورت حال کی سربراہ ڈاکٹر ابراہیما سوکو فال کے مطابق اس مرض میں مبتلا افراد کی تعداد 1150 سے تجاوز کر چکی ہے۔ ڈاکٹر سوکو فال نے تصدیق کی ہے کہ بین الاقوامی ایجنسیوں کی جانب سے طاعون کی وبا پر قابو پانے کے لیے طاقتور اینٹی بائیوٹک ادویات کی ترسیل جاری ہے۔ عالمی ادارہٴ صحت نے عالمی سطح پر طاعون کی وبا کے پھیلنے کا انتہائی کم خطرہ ظاہر کیا ہے۔

Urdu-Arabic-Keybaord11

ISLAMIC-MESSAGES