Live Madinah

makkah1

dushwari

تازہ ترین خبر:

واشنگٹن ۔19فروری2018(فکروخبر /ذرائع) امریکی صدر ڈونلڈ ٹرمپ نے کہا ہے کہ روس امریکا میں اختلافات کا بیج بونے میں کامیاب ہوتا جارہا ہے، اتنا تو ماسکو نے سوچا بھی نہیں ہوگا۔غیر ملکی میڈیا رپورٹس کے مطابق امریکی صدر ڈونلڈ ٹرمپ نے ایک بار پھر سابق صدر اوباما کو تنقید کا نشانہ بنایا کہ وہ اپنے دور صدارت میں روس کو روکنے میں ناکام رہے۔یادرہے کہ گزشتہ روز صدر ٹرمپ نے ایف بی آئی کو بھی آڑے ہاتھوں لیا اور کہا کہ وہ اپنا زیادہ تر وقت یہی ثابت کرنے کی کوشش میں ہیں کہ میری الیکشن ٹیم کے روس سے رابطے تھے یا نہیں؟ ایف بی آئی بنیادی کاموں پر توجہ دے اور ہمیں خود پر فخر کرنے کا موقع دے۔

فیصلے کا خیر مقدم کرتے ہیں ، ثابت ہوگیا ہماری ٹیم کے روسی اہلکاروں سے کوئی رابطے نہیں تھے،ٹرمپ 
2016کے صدارتی انتخاب میں مداخلت کے امریکی الزامات انتہائی احمقانہ بات ہے،روسی ترجمان وزارت خارجہ

ماسکو/واشنگٹن ۔17فروری2018(فکروخبر /ذرائع ) امریکا کے صدارتی انتخابات میں مداخلت کے الزام میں 13 روسی شہریوں پر فرد جرم عائد کردی گئی۔ صدر ٹرمپ نے فیصلے کا خیر مقدم کرتے ہوئے کہاکہ آج یہ سے ثابت ہوگیا کہ ان کی ٹیم کے روسی اہلکاروں سے کوئی رابطے نہیں تھے۔روس کی وزارت خارجہ کی ترجمان ماریا زخا رووا نے کہا کہ امریکا میں 2016 کے صدارتی انتخاب میں مداخلت کے امریکی الزامات انتہائی احمقانہ بات ہے ۔ان کا کہنا تھا کہ صرف 13 افراد نے ایک ایسے انٹیلی جنس ادارے کے ہوتے ہوئے مداخلت کیسے کر لی جس کا بجٹ اربوں ڈالر ہے اور وہ جدید ترین ٹیکنالوجی رکھتا ہے۔وفاقی گرینڈ جیوری نے جن روسی شہریوں پر فرد جرم عائد کی ہے ان میں سینٹ پیٹرز برگ کے 12 ملازمین شامل ہیں ۔فرد جرم میں انٹرنیٹ ریسرچ ایجنسی کا نام بھی لیا گیا ہے جو روس کے پروپیگنڈا کا ایک ادارہ ہے۔

آج میرے سامنے اس کے سوا کوئی آپشن نہیں کہ میں بادشاہ کو اپنا استعفیٰ پیش کر دوں،پارلیمنٹ میں گفتگو

دی ہیگ ۔15فروری2018(فکروخبر /ذرائع) ہالینڈ کے وزیر خارجہ ہالبے زاسترا نے اپنے عہدے سے مستعفی ہونے کا اعلان کر دیا۔میڈیارپورٹس کے مطابق ہالبے کا یہ اعلان اْن کے اس اعتراف کے بعد سامنے آیا کہ کئی برس پہلے روسی صدر ولادیمر پوتین کے ساتھ متنازع ملاقات میں موجودگی کے حوالے سے انہوں نے غلط بیانی کی تھی۔پارلیمنٹ کے ہنگامی اجلاس میں پْر نم آنکھوں کے ساتھ 49 سالہ وزیر نے کہا کہ آج میرے سامنے اس کے سوا کوئی آپشن نہیں کہ میں بادشاہ کو اپنا استعفیٰ پیش کر دوں۔

چین اپنی مسلح افواج کو توقعات سے کہیں بڑھ کر جدید تر بنا رہا ہے ،رپورٹ 

لندن۔15فروری2018(فکروخبر /ذرائع) لندن میں قائم انٹرنیشنل انسٹی ٹیوٹ فار سٹریٹیجک سٹڈیز (آئی آئی ایس ایس) نے کہا ہے کہ اب روس کی بجائے چین وہ ملک بن گیا ہے جس سے امریکہ اپنی فوج کا تقابل کر کے اس کی ضروریات کا تعین کرتا ہے۔ اس بات کا اطلاق خاص طور پر بحری اور فضائی افواج پر ہوتا ہے، کیوں کہ یہی دو شعبے چین کی توجہ کا مرکز ہیں۔آئی آئی ایس ایس نے اس رجحان کا ذکر ’عسکری توازن‘ نامی ایک رپورٹ میں کیا ہے جس میں عالمی فوجی صلاحیت اور دفاعی اخراجات کا تعین کیا گیا ہے۔ چین کی فوجی ترقی خاصے عرصے سے جاری ہے، تاہم اب وہ اس مقام پر پہنچ گیا ہے جہاں اسے امریکہ کا مقابل قرار دیا جا سکتا ہے۔

بعض ناگزیر وجوہات پر فلسطینی وروسی صدورکی سوچی میں ملاقات منسوخ،اب ماسکو میں ہوگی،کریملن 

ماسکو ۔12فروری2018(فکروخبر/ذرائع ) اسرائیلی وزیراعظم بنیامین نیتن یاہو کے روس کے دورے کے دو ہفتوں بعد فلسطینی صدر محمود عباس پیر کو روسی دارالحکومت ماسکو پہنچ گئے ۔ عباس کے دورے کا مقصد روسی صدر ولادیمر پوتین کی سپورٹ حاصل کرنا ہے تا کہ واشنگٹن کا مقابلہ کیا جا سکے جس نے بیت المقدس کو اسرائیل کا دارالحکومت تسلیم کر لیا ہے۔غیرملکی خبررساں ادارے کے مطابق روسی صدارتی محل کریملن سے جاری بیان میں کہاگیاکہ یہ ملاقات جو سوچی میں ہونا تھی، اب اسے ماسکو منتقل کر دیا گیا ہے۔

فلسطینی صدر محمود عباس پیر کو اپنے دورہ روس کے دوران اپنے ہم منصب پیوٹین سے ملاقات کریں گے

غزہ۔09فروری 2018(فکروخبر /ذرائع) فلسطینی صدر محمود عباس نے کہاہے کہ اسرائیل اور فلسطین تنازعے کے حل میں روس کو زیادہ فعال کردار ادا کرنا چاہیے،امریکا فلسطینی تنازعہ کے حوالے سے قائدانہ کردار ادا کرنے سے قاصر ہے۔ اسرائیل کے ساتھ مذاکرات کے لئے نیا اتحاد اور حکمت عملی بنانی ہو گی۔غیرملکی خبررساں ادارے کے مطابق انہوں نے کہا کہ امریکا اس حوالے سے قائدانہ کردار ادا کرنے سے قاصر ہو چکا ہے اور انہیں یقین ہے کہ مشرق وسطیٰ میں قیام امن کیلئے روس انتہائی اہم ثابت ہو سکتا ہے۔

خاتون نے سفر کا ٹکٹ خریدنے کے لیے اپنے نومولود بچے کو200 امریکی ڈالر میں فروخت کیا،عدالتی ترجمان

سینٹ پیٹرزبرگ۔31جنوری2018(فکروخبر /ذرائع) روس کے شہر سینٹ پیٹرزبرگ میں عدالت نے ازبکستان کی ایک خاتون کو چار سال قید کی سزا سنادی ۔ مذکورہ خاتون نے سفر کا ٹکٹ خریدنے کے لیے اپنے نومولود بچّے کو تقریبا 200 امریکی ڈالر کے مقابل فروخت کر دیا تھا۔غیرملکی خبررساں ادارے کے مطابق سینٹ پیٹرزبرگ کی عدالت کے ترجمان نے کہاکہ 28 سالہ خاتون نے اکتوبر 2016 میں اس بچّے کو جنم دیا۔ اس سے قبل 2016 کے ہی موسم گرما میں خاتون ایک ازبک جوڑے کے ساتھ اس بچّے کی فروخت کا معاہدہ طے کر چکی تھی۔

ماسکو۔24جنوری2018(فکروخبر /ذرائع) روسی وزیر مواصلات نکولائی نیکوفوروف نے امریکی کمپنی مائیکروسافٹ کو خبردار کیا ہے کہ اگر اس نے واشنگٹن کی عائد کردہ پابندیوں کی وجہ سے اپنے گاہک روسی اداروں کی سرگرمیوں کو محدود کرنے کی کوشش کی تو اسے اربوں ڈالر کے نقصان کا سامنا کرنا پڑ سکتا ہے۔روسی وزیر نے منگل کے روز ملکی خبر رساں اداروں کو بتایا کہ مائیکروسافٹ کو ایسی کوششوں سے احتراز کرنا چاہیے۔روس میں مائیکروسافٹ کے ڈسٹربیوٹر دو مقامی اداروں نے کہا تھا کہ امریکی کمپنی نے دو سو سے زائد روسی اداروں کو اپنے سافٹ ویئر فروخت کرنے پر پابندی عائد کردی ہے۔اس اقدام کی وجہ وہ نئی امریکی پابندیاں بنیں جو گزشتہ برس28 نومبر سے نافذ ہو چکی ہیں۔

ماسکو:24؍جنوری2018(فکروخبر/ذرائع) روس نے ترکی کی مخالفت کے باوجود شام کی کرد ملیشیا کو روس میں منعقد ہونے والے امن اجلاس میں شرکت کی دعوت دے دی۔غیر ملکی خبر رساں ادارے کے مطابق روس کے وزیر خارجہ سرگئی لاروف کی جانب سے روس کے شہر سوچی میں 29 سے 30 جنوری کو منعقدہ شامی قومی مکالمے میں مدعو مہمانوں کی فہرست میں کرُد ملیشیا کے نمائندوں کو بھی شامل کیا گیا ہے۔

ماسکو: :20؍جنوری2018(فکروخبر /ذرائع)روس اپنا ایک آزاد انٹرنیٹ بنانے کے منصوبے پر کام کر رہا ہے، جس کا انحصار مغربی ممالک پر نہیں ہو گا۔آر بی کے نامی ویب پورٹل کے مطابق روسی صدر ولادیمیر پوٹن نے سن 2017ء میں حکومت کو احکامات دیے تھے کہ وہ آزاد روٹ نیم سرورز کی تیاری کے لیے برِکس ممالک کے ساتھ بات چیت شروع کرے۔ برکس ممالک میں روس کے علاوہ برازیل، بھارت، چین اور جنوبی افریقا شامل ہیں۔

صفحہ 1 کا 6